Սիրիան և Թունիսը հետաքրքրված են հայկական արտադրության արևային մարտկոցներով24 հունիսի 2011 - 18:58 AMT PanARMENIAN.Net - Հայկական «Ինդասթրիալ թեքնոլոջիզքո» ընկերությունը ծրագրում է կիսահաղորդիչային արևային մարտկոցներ արտահանել Սիրիա և Թունիս: Այդ մասին Երևանում կայացած մամլո ասուլիսում հայտնել է ընկերության տնօրեն Արթին Մելիքյանը: Նրա խոսքով, այդ երկրների ձեռնարկատերերի խումբը հետաքրքրվել է այդ մարտկոցների ձեռքբերմամբ, և սեպտեմբերին Երևան կայցելի, որպեսզի տեղում ծանոթանա ընկերության արտադրանքին: Արթին Մելիքյանը նշել է, որ իրենց ընկերությունը համագործակցում է ամերիկյան և անգլիական ապրանքանիշերի հետ, և առաջարկվող ապրանքի ուսումնասիրությունից հետո` երկու տարի առաջ, հայ գիտնականներից արևային մարտկոցների արտադրության արտոնագիր ձեռք բերեց, իսկ հետագայում ծրագրում է դրանց արդյունաբերական արտադրությունը: «Սա Հայաստանում և անգամ տարածաշրջանում առաջին օրինակներից մեկն է, երբ ընկերությունը գիտական մշակում է գնում»,- նկատել է նա: Մելիքյանը հաղորդել է նաև, որ իրենց արևային մարտկոցներն արդեն կիրառվում են նաև Հայաստանում, մասնավորապես` Գեղադիր գյուղում` Գառնիի մոտ: Ընկերության տնօրենը չբացահայտեց գործարքի ֆինանսական մանրամասները` հաղորդելով միայն, որ 1 կՎտ հզորությամբ մեկ վահանակի արժեքը կազմում է մոտ 5000-6000 դոլար: Գյուտի հեղինակ, Հայաստանի Պետական ճարտարագիտական համալսարանի դասախոս Ռուբեն Վարդանյանն ընդգծել է, որ արևային էներգետիկան մեծ ներուժ և ապագա ունի Հայաստանում: Նա նշել է, որ այդ գիտական ուղղությունը Հայաստանում զարգացած է սկսած XX դարի 50-60-ական թվականներից: Ինչ վերաբերում է նրա մշակած արևային մարտկոցներին, ապա Վարդանյանը նշել է, որ դրանք երկու տեսակի են` էլեկտրական գեներատոր, որը միայն էլեկտրականություն է մշակում և հիբրիդային, որը, բացի էլեկտրականությունից, նաև ջուր է տաքացնում: Նա նշել է, որ իր մշակումը չի զիջում միջազգային նմուշներին, լավ բնութագիր ունի և տնտեսապես ձեռնտու է: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |