Հարավային Սուդանը լավ նախադեպ է ղարաբաղյան կարգավորման համար, գտնում է Հայաստանի կոմկուսը12 հուլիսի 2011 - 16:14 AMT PanARMENIAN.Net - Ղարաբաղյան հակամարտությունը հարկավոր է լուծել Հարավային Սուդանի հակամարտության օրինակով: Այդ մասին Երևանում կայացած մամլո ասուլիսում հայտարարել է Հայաստանի կոմունիստական կուսակցության ղեկավար Ռուբեն Թովմասյանը: «Հարավային Սուդանի օրինակը ամենաընդունելին է ղարաբաղյան հակամարտության կարգավորման տեսակետից: Սկզբում անցկացվեց հանրաքվեն, հետո լուծվեցին մյուս հարցերը»,-ասել է Թովմասյանը: Ըստ Թովմասյանի, Ղարաբաղի դեպքում պետք է հաշվի առնել ոչ միայն ազգերի ինքնորոշման իրավունքը, այլ նաև այն, որ Ղարաբաղում գլխավոր լեզուն միշտ եղել և մնում է հայերենը: Հուլիսի 9-ին Հարավային Սուդանը պաշտոնապես անջատվեց Սուդանի Հանրապետությունից և դարձավ անկախ պետություն: Անկախությունը հռչակվեց 21-ամյա քաղաքացիական պատերազմից հետո, որը խլեց 1-2 մլն մարդու կյանք: Հրադադարի մասին համաձայնագիրը կնքվեց 2005թ.: Հանրաքվեն կայացավ 2011թ.: Քվեարկության ժամանակ Հարավային Սուդանի բնակչության 98 տոկոսը արտահայտվեց պետության անկախության ստեղծման օգտին: Հարավային Սուդանի անկախությունն առաջինը ճանաչեց Սուդանի Հանրապետությունը: Հայաստանի Հանրապետությունը պաշտոնապես ճանաչել է Հարավային Սուդանի Հանրապետության անկախությունը: Այդ մասին հայտարարել է Հայաստանի արտաքին գործերի նախարար Էդվարդ Նալբանդյանը: «Հարավային Սուդանում անկախ պետականության հռչակումը ժողովուրդների իրավահավասարության և ինքնորոշման անքակտելի իրավունքի իրականացում է և հակամարտությունների քաղաքակիրթ հանգուցալուծման ևս մեկ օրինակ»,- նշել է նա: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |