Արգենտինայի գյուղատնտեսության նախարարը սեպտեմբերին կայցելի Հայաստան25 հուլիսի 2011 - 16:51 AMT PanARMENIAN.Net - Ինչպես հաղորդում է ՀՀ գյուղատնտեսության նախարարության լրատվական ծառայությունը, Արգենտինայի Գյուղատնտեսական Ընկերակցության նախագահ Ուգո Լուիս Բիոլկատիի հրավերով 2011-ի հուլիսի 19-ից 24-ը` Բուենոս Այրեսի 125-րդ Միջազգային գյուղատնտեսական ցուցահանդեսին մասնակցելու նպատակով, Արգենտինայի մայրաքաղաքում էր գտնվում ՀՀ գյուղատնտեսության նախարար Սերգո Կարապետյանը: Այցի ընթացքում Հայաստանի գյուղնախարարը հանդիպումներ է ունեցել միջոցառման կազմակերպիչների, ցուցահանդեսի բացմանը ներկա գտնվող օտարերկրյա պատվիրակությունների ղեկավարների, գյուղատնտեսության ոլորտում աշխատող արգենտինացի գործընկերների հետ: Գործնական և արդյունավետ էին Սերգո Կարապետյանի հանդիպումները Արգենտինայի գյուղատնտեսության, անասնաբուծության և ձկնորսության նախարարի առաջին տեղակալ Լորենսո Բասսոի հետ, որն այդ պահին փոխարինում էր Չինաստանում այցով գտնվող գյուղնախարար Խուլիան Դոմինգեսին: Երկօրյա քննարկումների արդյունքում, որոնց մասնակցում էին նաև Արգենտինայի արտաքին գործերի նախարարության բարձրաստիճան պաշտոնյաներ և Բուենոս Այրեսում Հայաստանի Հանրապետության դեսպան Վլադիմիր Կարմիրշալյանը, Հայաստանի գյուղատնտեսության նախարարության ու Արգենտինայի գյուղատնտեսության, անասնաբուծության և ձկնորսության նախարարության միջև ստորագրվել է Փոխըմբռնման հուշագիր համագործակցության մասին: Նախարար Սերգո Կարապետյանը և փոխնախարար Լորենսո Բասսոն համաձայնել են, որ Արգենտինայի գյուղատնտեսության, անասնաբուծության և ձկնորսության նախարար Խուլիան Դոմինգեսի գլխավորած պատվիրակությունը ս.թ. սեպտեմբերին կայցելի Հայաստան: Բուենոս Այրեսի 125-րդ Միջազգային գյուղատնտեսական ցուցահանդեսի ընթացքում ձեռք բերված պայմանավորվածությունները մեծ հետաքրքրություն կարող են ներկայացնել Հայաստանի գյուղատնտեսության ոլորտի զարգացման համար՝ հաշվի առնելով Արգենտինայի զգալի առաջընթացը ժամանակակից գյուղատնտեսական տեխնիկայի արտադրության, խաղողագործության, անասնաբուծության, ձկնաբուծության բնագավառներում և կարևոր խթան կհանդիսանան երկու երկրների միջև համագործակցության զարգացման գործում: Արգենտինայի մայրաքաղաքում նախարար Սերգո Կարապետյանը հանդիպում է ունեցել նաև արգենտինահայ համայնքային կառույցների ներկայացուցիչների հետ, ներկայացրել է Հայաստանի գյուղատնտեսության վիճակը, պատասխանել սփյուռքահայերին հուզող բազմաթիվ հարցերին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Ֆրանսիան ողջունել է ՀՀ–ին և Ադրբեջանի ԱԳ նախարարների հանդիպումն Ալմաթիում Ֆրանսիան կոչ է արել շարունակել սահմանազատումն ու քննարկումները խաղաղության պայմանագրի շուրջ Բագրատ սրբազան․ Իշխան Զաքարյանը չի մերժել միանալ գործընթացին Սրբազանը հավելել է, որ առաջին անգամ կարող ենք ասել, որ ընդդիմադիր խմբակցությունները հաղթահարել են առաջին փուլը Հայաստան կժամանի ԵԱՀԿ գործող նախագահը Այցն աշխատանքային է Երևանում քաղաքացիները փողոցներ են փակում․ Ավելի քան 80 բերման ենթարկված կա Որոշ ժամանակ փակ էր Մյասնիկյան պողոտան, քաղաքացիները փակել են Բաղրամյան պողոտան |