  Թուրքագետ. Հայկական հուշարձանների խնդիրը Թուրքիայի համար այդքան ցավալի չէ, որքան Եղեռնի հարցը  28 հուլիսի 2011 - 15:38 AMTPanARMENIAN.Net - ԱՄՆ-ի, ինչպես նաև բուն Թուրքիայի համար, Թուրքիայում գտնվող հայկական եկեղեցիների ճակատագրի հարցը այդքան խնդրահարույց չէ, որքան Հայոց ցեղասպանության հարցը: Այդ մասին լրագրողների հետ զրույցում հայտարարել է թուրքագետ Արտակ Շաքարյանը: Ըստ նրա, հուշարձանների հարցի արծարծումը Թուրքիայում ավելի քիչ խնդիրներ կհարուցի: Շաքարյանի կարծիքով, Թուրքիան, այսօր, կարծես տնային աշխատանք է կատարում հայկական հուշարձանները Թուրքիայում վերականգնելու գործում: Դրա մասին է վկայում Աղթամարի Սուրբ Խաչ և մի քանի այլ եկեղեցիների վերականգնման փաստը, սեպտեմբերի 11-ին Երևան-Վան չվերթ բացելու մտադրությունը: Թուրքագետը այս հարցում կարևորեց նաև հայ-հունական լոբբին և հայերի ու հրեաների շահերի համընկնումը: Արտակ Շաքարյանը նշեց նաև, որ Թուրքիայում Ստամբուլից դուրս քրիստոնյա հայերի թիվը չնչին է, և Արևմտյան Հայաստանի եկեղեցիները վերականգնելուց հետո այդ եկեղեցիներն այցելող մարդիկ չեն գտնվի: Թուրքագետը վերջում հավելեց, որ ամենաէականն այս գործում այն է, որ հերթական առիթն է ստեղծվում Հայոց ցեղասպանության մասին աշխարհին նորից հիշեցնելու համար: Հուլիսի 20-ին ԱՄՆ Ներկայացուցիչների պալատի կոմիտեն 43 «կողմ» և 1 «դեմ» ձայների հարաբերակցությամբ ընդունել է ԱՄՆ ԱԳՆ-ին հատկացվող ֆինանսական միջոցների մասին օրինագծում ուղղումներ կատարելու վերաբերյալ օրինագիծը, որտեղ կարող են ներառվել նաև 306 բանաձևին համահունչ ձևակերպումներ, որոնց հեղինակներն են կոնգրեսականներ Հովարդ Բերմանն ու Էդ Ռոյսը: Կոնգրեսական, ԱՄՆ Ներկայացուցիչների պալատի արտաքին հարաբերությունների կոմիտեի անդամ Հովարդ Բերմանը կոնգրեսական Էդ Ռոյսի հետ համատեղ ներկայացրել է թիվ 306 բանաձևը «Եկեղեցիները վերադարձնելու մասին», որով կոչ է արվում Թուրքիային դադարեցնել քրիստոնյա բնակչության հանդեպ խտրականությունը: Բանաձևին սատարում է 31 կոնգրեսական: Հովարդ Բերմանը նաև Հայոց ցեղասպանության մասին թիվ 304 բանաձևի կողմնակից է, որն օրերս նույնպես ներկայացվել է ԱՄՆ Ներկայացուցիչների պալատ: Բանաձևում նախաձեռնողները կոչ են անում Թուրքիային կատարել միջազգային պարտավորությունները և վերջ տալ կրոնական հետապնդման բոլոր ձևերին, պաշտպանել մարդու իրավունքները և քրիստոնյաների կրոնական ազատությունները: Տվյալ բանաձևի հեղինակները նաև կոչ են անում Անկարային օրինական ճանապարհով վերադարձնել բռնագրավված հայկական, հունական, ասորական, և այլ քրիստոնեական եկեղեցիները:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Սյուժե Վերջին լուրեր Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել  Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր»ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում ենԿիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ |
