  Ստանիսլավ Տարասով. Ղարաբաղյան հակամարտության ճակատագիրը լուծվում է բոլորովին ոչ Երևանի կամ Բաքվի կամքով 8 օգոստոսի 2011 - 21:14 AMT PanARMENIAN.Net - Այնպիսի հակամարտության ճակատագիրը, ինչպիսին Լեռնային Ղարաբաղի հիմնահարցն է, լուծվում է ոչ թե Ադրբեջանի կամ Հայաստանի նախագահի կամքով, այլ մեծ և տարածաշրջանային քաղաքականության սահմանին: Այդ մասին հայտնել է ռուսաստանյան քաղաքագետ Ստանիսլավ Տարասովը, հաղորդում է Analitika.at.ua-ը: «Իրադարձություններն Ադրբեջանում (Սումգայիթ, Կիրովաբադ ևն) իրավական գնահատականի կարիք ունեն»,- հայտնել է փորձագետը` մեկնաբանելով այն հարցը, թե արդյոք Հայաստանի համար նախադեպ է հանդիսանում Ռուսաստանի դիմումը Միջազգային դատարան Հարավային Օսեթիայում պատերազմի կապակցությամբ: Քաղաքագետի կարծիքով, այժմ տարբեր դատավարություններ կարող են ընդամենը քարոզչական ազդեցություն ունենալ, իսկ դա ներքին սպառման արտադրանք է: «Ղարաբաղյան հիմնահարցի ճակատագիրը որոշվում է ոչ թե Ադրբեջանի կամ Հայաստանի նախագահի կամքով, այլ մեծ և տարածաշրջանային քաղաքականության սահմանին: Հենց դրանում է կայանում իրադրության հիմնական առանձնահատկությունն ու տարբերությունը` համեմատած Աբխազիայի և Հարավային Օսեթիայի հետ»,- ամփոփել է Ստանիսլավ Տարասովը: Ռուսաստանը Հարավային Օսեթիայում պատերազմի մասին գործ է ուղղել Միջազգային դատարան: Ռուս հետազոտողների տվյալների համաձայն, «Հարավային Օսեթիայի վրա Վրաստանի հարձակման» արդյունքում խաղաղ բնակիչներ են սպանվել, ամբողջությամբ ավիրվել են հարյուրավոր տներ, Հարավային Օսեթիայի ավելի քան 16 հազար բնակիչներ ստիպված են եղել լքել իրենց տները: Դատարանին առաջադրված նյութերում խոսվում է նաև վրացական կողմի «նախօրոք տարված մանրակրկիտ ռազմական, քաղաքական և քարոզչական» նախապատրաստության մասին:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Հայերի ջարդերը Սումգայիթում 1988 թ. փետրվարի 26-29-ին Ադրբեջանի Սումգայիթ քաղաքում տեղի ունեցած հայ ազգաբնակչության ջարդերը խորհրդային իշխանության նորագույն պատմության մեջ էթնիկ բռնության առաջին դրսեւորումն էր: Սումգայիթի ջարդերը շարուակվեցին երեք օր եւ ուղեկցվում էին զանգվածային բռնություններով, կողոպուտով եւ սպանություններով: Սումգայիթի իրադարձությունները ազդակ էին Ադրբեջանում նոր Հայոց ցեղասպանության համար: Այդ ալիքի զոհերը դարձան Կիրովաբադի, Ղազախի, Խանլարի, Դաշկեսանի, Մինգեչաուրի, Բաքվի եւ Ադրբեջանի այլ քաղաքների ու գյուղերի հայ ազգաբնակչությունը: Դրա հետեւանքով սկիզբ առավ Ադրբեջանից հայ փախստականների հոսքը դեպի Լեռնային Ղարաբաղ եւ Հայաստան:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Սյուժե Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
