Օլեգ Եսայան. Հայաստանը ձգտում է դեպի ժողովրդավարական առաջընթաց և միջազգային ինտեգրում23 սեպտեմբերի 2011 - 17:54 AMT PanARMENIAN.Net - Սեպտեմբերի 21-ին Մոսկվայի «Ռենեսանս Մոնարխ» հյուրանոցային համալիրի շքասրահում տեղի է ունեցել Հայաստանի Հանրապետության անկախության 20-ամյա տարեդարձին նվիրված պաշտոնական ընդունելություն: Միջոցառմանը ներկա էին ՌԴ նախագահի աշխատակազմի, կառավարության, արտաքին գործերի նախարարության պաշտոնատար անձինք, ՌԴ Պետական Դումայի անդամներ, Անվտանգության խորհրդի ներկայացուցիչներ: Հանդիսությանը մասնակցել են նաև ՌԴ-ում հավատարմագրված դիվանագիտական առաքելությունների ղեկավարներ, տարածաշրջանային և միջազգային կառույցների, ռուսաստանյան և հայաստանյան առաջատար լրատվամիջոցների ներկայացուցիչներ, գիտության ու մշակույթի հայտնի գործիչներ, ինչպես նաև Ռուսաստանի հայ համայնքի անդամներ: ՌԴ-ում ՀՀ դեսպան Օլեգ Եսայանն իր ողջույնի խոսքում նշել է. «Ուղիղ 20 տարի առաջ հռչակած անկախությունը հայ ժողովրդի բազմամյա երազանքի քաղաքական դրսևորումն է և այն պատմական կամրջի հիմնասյունը, որը կապում է հայ ժողովրդի անցյալը, ներկան և ապագան: Չնայած գոյություն ունեցող օբյեկտիվ և սուբյեկտիվ խոչընդոտների, այսօր Հայաստանը վստահաբար առաջ է շարժվում իր ընտրած ուղիով՝ արձանագրելով նշանակալի հաջողություններ բոլոր բնագավառներում: Հայաստանը այն պետությունն է, որը դրսևորում է արտահայտված ձգտում դեպի ժողովրդավարական առաջընթաց և միջազգային ինտեգրում»: Երեկոյին ելույթով հանդես է եկել նաև ՌԴ Արտաքին գործերի նախարարի տեղակալ Գրիգորի Կարասինը, ով իր խոսքում անդրադարձել է ռուս-հայկական հարաբերությունների առանցքային հարցերին և կարևորել երկու ժողովուրդների միջև դարերի ընթացքում ամրապնդված վստահությունն ու բարեկամությունը: Տոնական երեկոն ուղեկցվել է հայկական պարային համույթների ելույթներով և Ռուսաստանում գործող անվանի հայ նկարիչների աշխատանքների ցուցահանդեսով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների Հայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետ Միրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետ Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել |