Լիլիթ Գալստյանը խորհուրդ է տալիս ադրբեջանցիներին մտահոգվել սեփական խալիֆայության ապագայով, ոչ թե Հայաստանի27 սեպտեմբերի 2011 - 09:16 AMT PanARMENIAN.Net - «Մեր երկրի նախագահին միջազգային իրավունքի նորմերը ոտնահարելու կամ խեղաթյուրելու մեջ մեղադրելուց առաջ, լավ կլիներ հատկապես Եվրանեսթում ներկայացված ադրբեջանցի պատգամավորները համեստորեն լռեին ու շահարկման առարկա չդարձնեին տարածքային ամբողջականության և ազգերի ինքնորոշման իրավունքների համազորությունը, ինչը միջազգային իրավունքի մեջ այբբենարայնային ճշմարտություն է, նաև վերջերս աշխարհի քարտեզի վրա հայտնված մի շարք պետությունների ընտրության ճանապարհը»,- PanARMENIAN.Net ի թղթակցին է հայտարարել «Եվրանեսթում» հայկական պատվիրաիության անդամ, ՀՅԴ խորհրդարանական խմբակցության անդամ Լիլիթ Գալստյանը՝ մեկնաբանելով «Եվրանեսթում» ադրբեջանական պատվիրակության անդամ Ասիմ Մոլլազադեի հայտարարությունը: Մոլլազադեն հայտարարել է, թե ՀՀ նախագահ Սերժ Սարգսյանը ՄԱԿ ԳՎ-ում իր ելույթով «կոպտորեն խախտեց միջազգային իրավական նորմերը» և որ ինքը ցանկանում է «Եվրանեսթի» քննարկմանը դնել նախագահ Սարգսյանի ելույթը: Լիլիթ Գալստյանը հավելել է, որ երբ ՀՀ նախագահ Սերժ Սարգսյանը ՄԱԿ ի ամբիոնից խոսում է՝ ադրբեջանական հասարակությանը մոլորեցնող կեցվածքների մասին, դրանց դրսևորումներից մեկն էլ հենց Մոլլազադեի արտահայտությունն է: Նրա խոսքերով, ամեն անգամ ադրբեջանցիներն իրենք իրենց զավեշտական վիճակում են դնում: «Իհարկե, դժվար չէ նաև հասկանալ, որ այդ հոխորտանքները իրեն ցկյանս նախագահ կարգած Ալիևին հաճոյանալու և առհասարակ ներքին օգտագործման համար են»,-ասել է պատգամավորը: Ըստ Գալստյանի, հավանաբար, ադրբեջանցիները մոռացել են կամ պարզապես իրենց ձեռնտու չէ հիշել ԼՂՀ հիմնախնդրի կարգավորման շուրջ ստորագրված մի շարք փաստաթղթեր, ուր ամրագրված է ինքնորոշման իրավունքը, և որոնց տակ նաև Ալիևի ստորագրությունը կա; «Իսկապես ըստ էության սեփական ժողովրդին մոլորեցնելն ու պատերազմի սպառնալիքով երկրում ավտորիտար ռեժիմ հաստատելը ձեռնտու է ալիևյան թիմին, բայց ոչ երբեք պարզ ադրբեջանցուն: Այնպես որ Սերժ Սարգսյանին՝ մեր երկրի վախճանի մեջ մեղադրելուց առաջ լավ կլիներ, իրենց խալիֆության ապագայով մտահոգվեին»,-ասել է նա: «Իսկ եթե Սերժ Սարգսյանի հավասարակշռված ու հիմնավոր ելույթը նրանց մտահոգել է( ինչը շատ հասկանելի է ու բացատրելի) և ցանկություն ունեն այլ քաղաքական հարթակներում, այդ թվում Եվրանեսթի քննարկմանը ներկայացնել, խնդիր չեմ տեսնում: Մեկ անգամ էլ կհիմնավորենք, որ ինքորոշումն ու ազատ կամարտահայտությունը քաղաքակիրթ աշխարհի համար վաղուց քաղաքական վարքագիծ է, խաղաղ համակեցության նորմ: Իսկ ԼՂՀ ժողովուրդը քսան տարի առաջ արդեն իրացրել է իր իրավունքը, արյամբ նվաճել խաղաղությունը ու պատերազմով նրան պետք չի վախեցնել»,-ասել է Լիլիթ Գալստյանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |