Հայաստանը դեռ չի որոշել արդյոք մասնակցելու է «Եվրատեսիլ 2012»-ին և, բնականաբար, պարզ չէ մասնակիցը

PanARMENIAN.Net - Հայաստանի հանրային հեռուստաընկերությունը «Եվրատեսիլ 2012»-ին մասնակցելու որոշում դեռ չի կայացրել, և բնականաբար Հայաստանի մասնակցի ընտրություն էլ չկա, PanARMENIAN.Net ի թղթակցին հայտնեց Եվրատեսիլ» երգի մրցույթի հայաստանյան պավիրակության ղեկավար Գոհար Գասպարյանը: Գոհար Գասպարյանը նաև ասաց, որ առաջին անգամ է լսում Լոս Անջելեսում ապրող հայ երգչուհի Լուսիա Մունի անունը, ով իբր մրցույթի հավանական թեկնածուների թվում է:

Հայկական մամուլում տարածվել է լուր, որի համաձայն Բաքվում կայանալիք «Եվրատեսիլ 2012»-ի Հայաստանյան ներկայացուցիչների թվում է ամերիկաբնակ երգչուհի Լուսիա Մունը (Բաբայանց) ով ծնվել է Բաքու քաղաքում և 1992թ-ից ապրում է ԱՄՆ-ում:

Ադրբեջանական Էլլա և Նիկկի դուետը 2011 թ-ի մայիսի 15-ին դարձավ Եվրատեսիլի հաղթող: Երկրորդ տեղը գրավեց իտալացի մասնակից Ռաֆայել Գուալազզին Madness Of Love երգով, իսկ երրորդ տեղում է Էրիկ Սաադը Շվեդիայից Popular երգով: Մայիսի 10-ին Դյուսելդորֆում կայացավ «Եվրատեսիլ 2011» մրցույթի առաջին կիսաեզրափակիչը: Էմմին հանդես եկավ 4-րդ համարի տակ և մրցույթում ներկայացրեց «Boom-Boom» երգը: Երգչուհու ելույթից առաջ շատ հայ արտիստներ հավատում էին, որ «Boom-Boom» երգը հայտնվելու է մրցույթի լավագույն հնգյակում:

Հայաստանը բողոք չի ներկայացրել Եվրոպական հեռարձակման միությանը` EBU-ին «Եվրատեսիլ 2011»-ի առաջին կիսաեզրափակչի ոչ պատշաճ կազմակերպման վերաբերյալ, որի արդյունքում բազում եվրոպացի հեռուստադիտողներ չեն կարողացել մասնակցել SMS քվեարկությանը:

Մինչդեռ մրցույթի համար երգի ընտրությունը մեծ աղմուկ բարձրացրեց Հայաստանում, քանի որ երկրպագուների մի մասը գտնում էր, որ Boom-Boom երգը ընտրվել է անազնիվ ճանապարհով, քանի որ բոլոր կայքերում, սոցցանցերում առաջատարը АYO երգն էր (երգի հեղինակ` ԴերՀովա - Հարութ Տեր-Հովակիմյան):