 Orange-ը և ՎիվաՍել-ՄՏՍ-ը միասին պայքարում են ՄԻԱՎ/ՁԻԱՀ համաճարակի դեմ  21 հոկտեմբերի 2011 - 13:56 AMTPanARMENIAN.Net - Այսօր կայացած ասուլիսում Հայկական Կարմիր խաչի ընկերությունը հայտարարեց ԱՄՆ խաղաղության կորպուսի հայաստանյան գրասենյակի հետ համատեղ նախաձեռնած «SMS Տեղեկատվական թեժ գիծ» ծրագրի պաշտոնական մեկնարկի մասին։ Ծրագրի շրջանակներում գործարկել է Orange Armenia և ՎիվաՍել-ՄՏՍ ընկերությունների տեխնիկական աջակցությամբ 6428 կարճ համարը, որին բաժանորդները կարող են ուղղարկել SMS հաղորդագրությունններ ՄԻԱՎ/ՁԻԱՀ-ի խնդիրների մասին իրենց հուզող հարցերը։ Յուրաքանչյուր ուղղարկված SMS -ն անվճար է։ ՀԿԽԸ 9 կամավորները 24 ժամում բաժանորդին հակիրճ և ճշգրիտ պատասխան են ուղարկում հարցի մասին։ Այսօր արդեն կամավորներից յուրաքանչյուրը ստացել է 3-4 SMS հաղորդագրություն։ ՀԿԽԸ նախագահ Մխիթար Մնացականյանի խոսքով ծրագրի շրջանակներում նաև ստեղծվելու է ՄԻԱՎ/ՁԻԱՀ-ի խնդիրների մասին տեղեկություններով կայք։ «Այս հիվանդությունը մարդկությանը սպառնացող համաճարակ է, որին հնարավոր է հակազդել միայն իրազեկության միջոցով։ Այս SMS տեղեկատվական թեժ գիծ ծառայությունը բնակչության անվտանգ վարքագծի ձևավորման համար է,- նշեց նա։ «Սա յուրահատուկ իրադարձություն է, երբ նման խոշոր երկու ընկերություն ձեռք ձեռքի են տվել և պայքարում են այս չարիքի դեմ»,-ասաց ՎիվաՍել-ՄՏՍ-ի գլխավոր տնօրեն Ռալֆ Յիրիկյանը։ «Մենք աջակցում ենք այս ծրագրին նախ հանրային օգուտի համար՝ պայքարելու այն հիվանդության դեմ, որը Հայաստանում էլ կա։ Բացի դրանից մեր կորպորատիվ սոցիալական պատասխանատվության ռազմավարության հիմքում ընկած է մեր տեխնոլոգիաները հանրային օգուտի համար օգտագործելու գաղափարը»,- ասաց Orange Armenia ընկերության գլխավոր տնօրեն Բրունո Դյութուան։ ՀԿԽԸ-ի «SMS Տեղեկատվական թեժ գիծ» ծրագիրը գործում է 2011-ի հունիսի 1-ից ԱՄՆ Խաղաղության կորպուսի հայաստանյան գրասենյակի հետ համատեղ։ Ծրագրի նպատակն է անդրադառնալ ՄԻԱՎ/ՁԻԱՀ-ի վերաբերյալ ազգաբնակչության իրազեկվածության խնդրին, արձագանքել հարցերին և նվազեցնել ՄԻԱՎ վարակի վերաբերյալ ոչ լիարժեք տեղեկատվության տարածումը, խարանն ու խտրականությունը:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   Ամենաընթերցվողը բաժնում |  Բաժիններ թեմայով Վերջին լուրեր Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը  Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնումՓաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանըՈւրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ինՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |
