Երկրաշարժից հետո Google-ը թողարկել է մարդկանց որոնման «Google Person Finder» կայքի թուրքական տարբերակը

24 հոկտեմբերի 2011 - 15:18 AMT

PanARMENIAN.Net - Երկրաշարժից հետո Google-ը թողարկել է մարդկանց որոնման «Google Person Finder» կայքի թուրքական տարբերակը, որը նպատակ ունի հեշտացնել Թուրքիայի արևելյան հատվածում տեղի ունեցած երկրաշարժի ընթացքում կորած մարդկանց որոնումը։

«Google Person Finder»-ը օնլայն պորտալ է տվյալների բազայով, որտեղ ցանկացած մարդ կարող է տեղեկատվություն տեղադրել կորած հարազատների և ծանոթների մասին։ Պորտալից կարելի է օգտվել http://turkey-2011.googlepersonfinder.appspot.com/ լինքով։

Հոկտեմբերի 23-ին ժամը 15.41-ին գրանցվել է 7.1 մագնիտուդով երկրաշարժ, որի էպիկենտրոնը գտնվում էր Թուրքիայում՝ Վան քաղաքից 38 կմ դեպի հյուսիս:

Երկրաշարժի հիպոկենտրոնը գտնվում է 10 կմ խորության վրա, իսկ ուժգնությունն էպիկենտրոնային գոտում կազմել է 9-10 բալ: «Ալ Արաբիա» հեռուստաալիքը հայտնել է, որ զոհվել է 500-1000 մարդ:

Երկրաշարժը զգացվել է 3-5 բալ ուժգնությամբ ՀՀ տարածքում:

Ինչպես հաղորդվել է ավելի վաղ, Թուրքիային իրենց աջակցությունն են առաջարկել նաև Ադրբեջանը, ԱՄՆ-ն, Մեծ Բրիտանիան, Գերմանիան, Լեհաստանը, Հունգարիան, Շվեյցարիան, Հայաստանն ու Հունաստանը, ինչպես նաև Իսրայելը, որի հետ հարաբերությունները վատթարացել են 2010թ. «Ազատության տորմիղի» հետ կապված միջադեպից հետո:

Հղումներ թեմայով.

http://turkey-2011.googlepersonfinder.appspot.com/