Ապագայի նոր Kinect տեխնոլոգիան կատարում է մարդկանց հրամանները՝ առանց հպման29 հոկտեմբերի 2011 - 12:15 AMT PanARMENIAN.Net - Երեկ «Մայքրոսոֆթի ինովացիոն կենտրոնում» կայացավ սեմինար Kinect տեխնոլոգիայի մասին: Սեմինարը վարում էր Մայքրոսոֆթ Հայաստանի ծրագրավորման գործիքների պատասխանատու Դավիթ Քոչարյանը: Kinect-ը սարք է, որը ինֆրակարմիր լույսի միջոցով ճանաչում է մարդկանց և կատարում նրանց` ձեռքերով, ոտքերով, գլխով կատարվող հրահանգները և ձայնային հրամանները: «Ի՞նչ է օգտագործողի ինտերֆեյսը: Այն հետևյալ փուլերն է անցել. սկզբում հրամանի նախագծում, ապա գրաֆիկ ինտերֆեյսի ստեղծում, որի հիման վրա օգտագործողի ինտերֆեյսն աշխատում է: Իսկ հիմա արդեն հասել են բնական օգտագործողի ինտերֆեյսի»-ասաց Դավիթ Քոչարյանը: Ինչպե՞ս է աշխատում Kinect-ը: Այն կատարում է մի քանի ֆունկցիա՝ մարդկանց և օբյեկտների ճանաչում, հրահանգների ճանաչում, դեմքերի ճանաչում և խոսքի ճանաչում: «Kinect սարքը բաղկացած է RGB տեսախցիկից՝ գույների ճանաչման համար, 3D Sensorից և ինֆրակարմիր լույսից: Սրանք միասին կարողանում են ճանաչել ամեն մի պիքսելի հեռավորությունը սարքից՝ սկան անում տեսանելի տարածքը, հասկանում է որն է հեռու, որը մոտիկ, ապա մարդկանց է առանձնացնում ըստ կմախքի՝ սկսած 1մետրից մինչև 4 մետր: Սարքը ունի նաև չորս բարձրախոս, որոնք կարողանում են մարդու ձայնն առանձնացնել աղմուկի ձայնից»,-նշեց Դավիթ Քոչարյանը: Ըստ նրա, Kinect-ը հիմնված է մարդու կմաղքի ճանաչման վրա՝ 20 որոշակի կետերով: Այն միաժամանակ երկու մարդու շարժում է կարողանում ճանաչել: Սարքն անգամ մթության մեջ է աշխատում: «Այժմ դուրս է եկել Kinect-ի SDK-ը (ծրագրայի փաթեթը), որի միջոցով ծրագրավորողները կարող են նախագծել բազում ծրագրեր Kinect սարքի համար և որոնք կարող են օգտակար լինել տարբեր ոլորտների համար՝ սկսած խանութներից մինչև բժշկության: Օրինակ, հաշմանդամներին կարող է շարժվել սովորեցնել, խանութներում կարող են տեղադրել սարքը և համապատասխան ծրագիր, որ յուրաքանչյուր հաճախորդ հագուստը փորձի իր վրա: Kinect-ի SDK-ն առայժմ ունի միայն beta տարբերակը (սկզբնական): Սարքը USB-ով կարող է միանալ համակարգչին և այդպես ծրագրավորողները հեշտությամբ կարող են ծրագրեր գրել»,-ավելացրեց Դավիթ Քոչարյանը: Նրա խոսքով Kinect-ի SDK-ն աշխատում է միայն Windows 7 օպերացիոն համակարգի համար և առայժմ ոչ կոմերցիոն օգտագործման համար է: Այսինքն եթե ծրագրավորողը ծրագիր է նախագծում՝ իրավունք չունի այն վաճառել: Kinect-ի SDK-ն անվճար կարելի է ներբեռնել: Այսօր Xbox 360-ն ունի բազմաթիվ խաղեր՝ Kinect-ի աջակցմամբ: Դավիթ Քոչարյանի խոսքով, այժմ նախագծողներն աշխատում եմ մատների ճանաչման տեխնոլոգիայի վրա: Kinect-ը 2010 նոյեմբերին սկսել է նախագծվել Մայքրոսոֆթի կողմից, ի սկզբանե կրել է Natal նախագիծ անվանումը: Սարքն իր վաճառքի քանակով Գինեսի ռեկորդակիր է՝ 10 մլն Kinect է վաճառվել մինչև 2011-ի մարտ 9: Kinect անվանումը երկու բառից է առաջացել՝ կինետիկ և connect (կապ հաստատել): Microsoft Store-ում սարքը վաճառվում է 120 դոլարով: Հայաստանում կա Xinnect ընկերություն, որը միայն զբաղվում է Kinect-ի համար ծրագրեր նախագծելով՝ իհարկե դեռ ոչ կոմերցիոն նպատակներով: Իսկ Մայքրոսոֆթ Ինովացիոն կենտրոնն ունի մի քանի Kinect սարք և կարող է տրամադրել դրանք բոլոր այն ծրագրավորողներին, ովքեր ծրագրերի նախագծման գաղափարներով կդիմեն իրենց: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |