Թանկարժեք օղու և ավտոմեքենաների սիրահարները ստիպված կլինեն ավելի շատ հարկ վճարել Հայաստանի պետբյուջե 2 նոյեմբերի 2011 - 18:56 AMT PanARMENIAN.Net - Նոյեմբերի 2-ին կառավարությունում փոքր և միջին ձեռնարկատիրության վերաբերյալ կայացած Խորհրդի նիստում վարչապետ Տիգրան Սարգսյանը Խորհրդի ներկայացուցիչներին ծանոթացրել է նոր հարկային բարեփոխումների փաթեթին: Ինչպես նշվում է կառավարության մամլո ծառայության հաղորդագրության մեջ, օրենսդրական փաթեթը մշակվել է փոքր և միջին բիզնեսի համար միջավայրը հնարավորինս բարելավելու նպատակով և հարկային բեռը տեղափոխելու համար այն ոլորտներ, որտեղ կան ավելի բարձր եկամուտներ: Մասնավորապես, վարչապետի խոսքով, եկամտահարկի սանդղակն այսուհետև պետք է լինի պրոգրեսիվ սկզբունքով կազմված, իսկ այն ֆիզիկական անձինք, ովքեր ստանում են 2 միլիոն դրամից ավելի եկամուտ, պետք է վճարեն ոչ թե 20 տոկոս, այլ 25 տոկոս եկամտահարկ: Երկրորդ կարևորագույն փոփոխությունը վերաբերում է ալկոհոլային խմիչքներին, որոնց շուկայում կապահովվի հավասար հարկային դաշտ արտադրողների և ներկրողների համար: Մասնավորապես, 50 տոկոսով կավելացվի օղու արժեքային դրույքաչափը` ներքին շեմը թողնելով անփոփոխ` 500 դրամ: Այսպիսով, վարչապետի խոսքով, հայ արտադրողների, մանավանդ փոքր և միջին արտադրողների համար ավելի բարենպաստ պայման է ստեղծվում, որովհետև նրանք գնային առումով ավելի լավ վիճակում են հայտվում, իսկ թանկ օղիներից 2 մլրդ դրամ լրացուցիչ գումար կհավաքվի բյուջե: Երրորդ կարևոր փոփոխությունը, այսպես կոչված, շքեղության հարկն է: Խոսքը գնում է 90 հազար ԱՄՆ դոլարից ավելի բարձր գին ունեցող մեքենաների մասին, որոնց մաքսային արժեքի նկատմամբ դրույքաչափը բարձրացվում է 20 տոկոսով: Բացի դրանից, 50 տոկոսով ավելացվում են խաղատների, շահումով խաղերի, ինտերնետ շահումով խաղերի, վիճակախաղերի կազմակերպման համար նախատեսված հաստատագրված վճարները, ինչը թույլ կտա 2 մլրդ դրամ լրացուցիչ եկամուտ ապահովել: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով Բագրատ սրբազանը`քաղուժերի հետ առաջիկա հանդիպման մասին․ Ուզում եմ, որ բոլորը ներկա լինեն՝ միասին որոշակի եզրահանգման գանք «Այս ընթացքում մի հատվածի հետ հանդիպել ենք»,–ասել է նա Վարդանյանի ընտանիքի կոչը՝ պահանջել հայ բանտարկյալների ազատումը, եթե Բաքուն ցանկանում է ընդունել COP 29-ը Բաքվի դատարանը 5 ամսով երկարացրել է Վարդանյանի և Արցախի մյուս ղեկավարների կալանքը Լուկաշենկոն Ալիևի հետ Շուշի է այցելել և 2 տրակտոր նվիրել քաղաքին Նա հաճոյախոսություններ է շռյալել բռնապետ Ալիևի հասցեին |