Տիգրան Սարգսյան. Նոր հարկային փաթեթը կբարելավի մթնոլորտը փոքր և միջին ձեռնարկատիրության համար 2 նոյեմբերի 2011 - 19:09 AMT PanARMENIAN.Net - Նոր հարկային փաթեթը կբարելավի մթնոլորտը փոքր և միջին ձեռնարկատիրության համար, նոյեմբերի 2-ին կառավարությունում փոքր և միջին ձեռնարկատիրության վերաբերյալ կայացած Խորհրդի նիստում հայտնել է Հայաստանի վարչապետ Տիգրան Սարգսյանը` փոքր և միջին ձեռնարկատիրության խորհրդին ներկայացնելով հարկային բարեփոխումների մանրամասները: «Կնվազի նաև հաշվետվությունների քանակը, եթե փոքր ձեռնարկատիրությունն աշխատում է լիցենզիոն դաշտում կամ ֆիքսված վճարների ոլորտում»,- ասել է նա: Ինչպես նշվում է կառավարության մամլո ծառայության հաղորդագրության մեջ, փոքր և միջին բիզնեսի համար կարևոր քայլ է արտոնագրային վճարների դաշտում գործունեության տեսակների ընդլայնումը: Խոսքը վերաբերում է հանրային սննդի գործունեությանը, հյուրանոցային տնտեսություններին, թեթև մարդատար մեքենաներով ուղևորափոխադրումներ իրականացնող կազմակերպություններին, վարսավիրանոցներին, ավտոտեխսպասարկման կայաններին, ավտոկանգառներին, բիլիարդ խաղերի կազմակերպմանը: Միևնույն ժամանակ, վարչապետի խոսքով, նոր փաթեթում ներկայացված է հարկային գերավճարներն այլ պարտավորությունների դիմաց առանց ուսումնասիրման և ստուգումների հաշվանցման հնարավորության տրամադրումը: Նախկինում ընդամենը 100 հազար դրամի պարագայում էր թույլատրվում գերավճարները հաշվանցել` առանց հարկային մարմնի ստուգման: Այսօր այդ շեմն օրենքով բարձրացվում է մինչև 10 միլիոն դրամ, որն առաջին հերթին վերաբերելու է փոքր և միջին բիզնեսին: Այս կապակցությամբ կառավարության ղեկավարն ընդգծել է, որ դա վերաբերում է այն խոշոր բիզնեսին, որն զբաղվում է մեծածավալ ներկրումներով, սակայն չի ապահովում փաստաթղթաշրջանառությունը: Տիգրան Սարգսյանը հաղորդել է նաև, որ խստացվում են առանց հաշվարկային փաստաթղթերի ապրանքների տեղաշարժի պարագայում պատասխանատվության միջոցները, ծրագրվում է ներդնել նորմեր, որոնք պարտադրում են, որպեսզի խոշոր գործարքները լինեն անպայման անկանխիկ: Նորարարությունների թվում է նաև ևս մեկ նոր գործիք, որը պարտադիր վճարներ է սահմանում հանքաքարի, սև և գունավոր մետաղների ջարդոնների, ինչպես նաև փայտանյութի արտահանման նկատմամբ, որոնց նպատակն է վերջիններիս վերամշակումը կազմակերպել Հայաստանում, այլ ոչ թե արտերկրում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |