Տնտեսագետ. Հայաստանում շատ հանճարեղ ծրագրեր մնում են միայն թղթի վրա

10 նոյեմբերի 2011 - 14:20 AMT

PanARMENIAN.Net - Հայաստանի տնտեսության զարգացմանն ուղղված շատ ծրագրեր միշտ չէ, որ կյանքի են կոչվում, այլ մնում են թղթի վրա, հայտարարել է «Այլընտրանք» վերլուծական կենտրոնի ղեկավար, տնտեսական գիտությունների դոկտոր Թաթուլ Մանասերյանը։ Դրանց շարքում նա առանձնացրել է նորեկների համար հարկային բեռը թեթևացնելու իշխանությունների մտադրությունը։ «Կարող են լինել լավ գաղափարներ, բայց դրանք պետք է իրագործել»,- ասել է նա Երևանում մամլո ասուլիսում։ Դրա հետ կապված Մանասերյանը հավելել է, որ այս ուղղությամբ պետք է մեծ աշխատանք տարվի համապատասխան մեխանիզմներ ստեղծելու և օրենսդրական փոփոխություններ կատարելու համար։

Դեռ ընթացիկ տարվա գարնանը երկրի նախագահը ձեռնարկատիրության զարգացման և գործարար միջավայրի բարելավման նպատակով հայտարարել է նորարարական արտադրության հիմնախնդիրներին հարկերից ազատելու պատրաստակամության մասին։

Անդրադառնալով Սերժ Սարգսյանի հայտարարությանը, որը նա կատարել է երեկ Հայաստանի Արդյունաբերողների և ձեռնարկատերերի միության տարեկան ժողովին Հայաստանի կայուն զարգացման համար նոր ծրագրեր մշակելու մասին, Մանասերյանը նշել է, որ, նրա կարծիքով, խոսքն այստեղ գնում է երկրի տնտեսության առավելություններն ունեցած ռեսուրսների օգտագործման հետ համեմատելու մասին։ «Կարծում եմ, որ նախագահի խոսքերը տեղի են, քանի որ ունեցած ռեսուրսները չի կարելի փոշիացնել, դրանք պետք է արդյունավետ տնօրինել»,- ասել է նա։