Մանուկ Վարդանյան. Հայաստանը առաջնային տեղ է հատկացնում երկրի տրանսպորտային բնագավառի զարգացմանը10 նոյեմբերի 2011 - 17:01 AMT PanARMENIAN.Net - Նոյեմբերի 10-ին ՀՀ տրանսպորտի եւ կապի նախարար Մանուկ Վարդանյանը ելույթ է ունեցել Թբիլիսիում Համաշխարհային բանկի կողմից կազմակերպված` Հարավային Կովկասի տրանսպորտի ոլորտի հեռանկարներին նվիրված բարձրաստիճան ներկայացուցիչների համակարգման տարածաշրջանային ժողովում: Նախարարը նշել է, որ Հայաստանի Հանրապետության կառավարությունը առաջնային տեղ է հատկացնում երկրի տրանսպորտային բնագավառի զարգացմանը, իսկ տրանսպորտային ենթակառուցվածքներն իրենց հերթին զբաղեցնում են մեր պետությունների տնտեսական զարգացման հարցում կարևորագույն տեղերից մեկը: «Այդ հանգամանքով են բացատրվում Հայաստանի Հանրապետության կառավարության ջանքերն ուղղված ճանապարհային ցանցի զարգացմանը, միջազգային ստանդարտների համապատասխանեցմանը, տրանսպորտային ենթակառուցվածքների կատարելագործման միջոցով երկրի տարանցիկ ունակությունների բարձրացմանը, միջազգային տրանսպորտային միջանցքներում հայկական ճանապարհային ցանցի ընգրկմանը, ինչպես նաև տեխնիկական աուդիտի միջոցով անվտանգության բարելավմանըե,- ասել է Մ.Վարդանյանը: Նախարար Մ.Վարդանյանը մանրամասն ներկայացրել է տարածաշրջանային նշանակություն ունեցող ճանապարհաշինարարական ծրագրերը, այդ թվում` «Հյուսիս հարավե ավտոմայրուղու կառուցման ծրագիրը, ինչպես նաեւ հյուսիսային հարևանի հետ բոլոր հիմնական միջազգային ճանապարհների վերականգնման նախագիծը, ՀՀ կառավարության, Ասիական զարգացման բանկի և Համաշխարհային բանկի կողմից իրականացված Հայաստանի գյուղական ճանապարհների և կենսական նշանակություն ունեցող ճանապարհների վերակառուցման ծրագրերը: Մ.Վարդանյանն անդրադարձել է նաեւ “Զվարթնոց” միջազգային օդանավակայանի ուղևորատար նոր տերմինալի բացմանը, եւ նշել, որ մոտ ապագայում օդանավակայանի հարակից տարածքում նախատեսվում է իրականացնել մի շարք ենթակառուցվածքային նախագծեր, այդ թվում` միջազգային լոգիստիկ կենտրոնի կառուցում, ազատ տնտեսական գոտու ստեղծում, ինչպես նաև դեպի օդանավակայան երկաթգծի և ավտոմայրուղու կառուցում: Նախարարը խոսել է նաեւ երկաթուղային տրանսպորտի ներկա վիճակի եւ հեռանկարային ծրագրերի մասին, միաժամանակ նշելով, որ ներկայացված բոլոր նախագծերն առաջնային նշանակություն ունեն Հայաստանի Հանրապետության տրանսպորտային ենթակառուցվածքների կատարելագործման համար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |