Լիդիա Զաբլոտսկայա. Բելառուսը միշտ լավ է ներկայացել Եվրատեսիլում, և մեծ պատասխանատվություն է ներկայացնել այդ երկիրը 1 դեկտեմբերի 2011 - 12:04 AMT PanARMENIAN.Net - «Մանկական Եվրատեսիլ-2011»-ի Բելառուսի ներկայացուցչուհի Լիդիա Զաբլոտսկայան գտնում է, որ դժվար է ներկայացնել նմանօրինակ մրցույթներում իր երկիրը, քանի որ այն միշտ լավ է ներկայացել մրցույթում: Մրցույթում Լիդիան կատարելու է «Բարության հրեշտակները» երգը, և մաղթում է, որ բոլորի մեջ հրեշտակ լինի, որովհետև հրեշտակը փրկում է մարդկանց: Նա նաև նշեց, որ ցանկանում է մասնակցել մեծերի մրցույթին, և «Մանկական Եվրատեսիլը» հիանալի փորձ է տալիս: Խոսելով իր նախասիրությունների մասին, պատանի երգչուհին նշեց, որ սիրում է խաղալ գնդակ և համակարգչային մի քանի խաղեր: Սիրած երգչուհիներն են Լարա Ֆաբիանը և Քրիստինա Ագիլերան: «Մանկական Եվրատեսիլ-2011»-ը տեղի կունենա դեկտեմբերի 3-ին Կ. Դեմիրճյանի անվան մարզահամերգային համալիրում: Դեռ 2010 թ. վերջին Հայաստան էին ժամանել շվեդ փորձագետներ, ովքեր ուսումնասիրել են մարզահամերգային համալիրը և ընդհանուր պայմանները: Մրցույթը կբացի Ռուսաստանը, իսկ կեզրափակի Բելգիան: Հայաստանը կներկայանա 4-րդ համարի տակ: Հայաստանը «Մանկական Եվրատեսիլին» մասնակցում է 2007 թվականից: Առաջինը այդ մրցույթում Հայաստանը ներկայացրել է «Արևիկ» խումբը «Երազանք» երգով և գրավել 2-րդ տեղը, 2008 –ին` Մոնիկա Մանուչարովան և գրավել է 8-րդ տեղը իր «Իմ երգի հնչյունը» երգով: 2009 թվականին «Մանկական Եվրատեսիլ» մրցույթում Հայաստանը ներկայացրեց Լուարա Հայրապետյանը «Բարսելոնա» երգով և գրավեց 2-րդ տեղը` այն կիսելով Ռուսաստանի ներկայացուցիչ Եկատերինա Ռյաբովայի հետ: 2010թ. նոյեմբերի 20-ին «Մանկական Եվրատեսիլ» մրցույթում Հայաստանին հաղթանակ բերեց Վլադիմիր Արզումանյանը իր «Մամա» երգով: Այս տարի Հայաստանը ներկայացնելու է Դալիթան իր Welcome to Armenia երգով: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |