Շևքեթ Շայդուլին. 2011 թ արդյունքներով ՀԿԵ մտադիր է դուրս գալ առանց կորուստների աշխատանքի շեմին

12 դեկտեմբերի 2011 - 18:00 AMT

PanARMENIAN.Net - Դեկտեմբերի 9-ին Մոսկվայում կայացել է «Հարավկովկասյան երկաթուղի» ՓԲԸ Տնօրենների խորհրդի նիստը: Խորհուրդը քննարկեց ՀԿԵ ՓԲԸ 2011 թվականի 9 ամսվա ընթացքում կատարած աշխատանքի վերաբերյալ հաշվետվությունը, Ընկերության ներդրումային ծրագիրն ու բիզնես-նախագիծը 2012 թվականի համար, ՀԿԵ արտադրանքի ինքնարժեքի նվազեցման ծրագիրը 2011-2013 թթ. համար, Ընկերությունում հաշվապահական և հարկային հաշվառման նոր ժամանակակից ավտոմատացված ինտեգրված համակարգի ստեղծման նասին որոշումը, ինչպես նաև ՀԿԵ նոր բրենդի հաստատման մասին որոշումը:

Ընկերության հաշվետվությունը ներկայացրեց ՀԿԵ ՓԲԸ գլխավոր տնօրեն Շևքեթ Շայդուլինը: Ինչպես նշեց տնօրենը, 2011 թվականի արդյունքներով ընկերությունը դուրս է գալու առանց կորուստների աշխատանքի շեմին:

Համաձայն 2012 թվականի համար հաստատված ներդրումային ծրագրի՝ ներդրումների ընդհանուր ծավալը կազմելու է 1 150,49 մլն. ռուբլի: Ներդրումային ծրագրի ծախսերը 2012 թվականին կազմելու են 1 017,14 մլն. ռուբլի, իսկ շահագործմանը կհանձնվեն 1 050,52 մլն. ռուբլի արժողությամբ հիմնական ֆոնդեր: Նման չափանիշները թույլ կտան կատարել 2008-2012 թթ. ՀԿԵ ներդրումային ծրագիրը 100,4%-ով:

Խորհուրդը նույնպես հաստատեց ՀԿԵ 2012 թվականի բիզնես-նախագիծը (բյուջեն), որտեղ արտացոլված են Ընկերության եկամուտները, ծախսերը և շահույթը:

Համաձայն 2011-2013 թթ. ՀԿԵ արտադրանքի ինքնարժեքի նվազեցման ծրագրի՝ նախատեսված է, մասնավորապես, շահագործման աշխատանքի տեխնոլոգիայի և կառավարման գործընթացի արդիականացումը, ռեսուրսների օգտագործման արդյունավետության մակարդակի բարձրացումը, արտադրության և աշխատանքի օպտիմալացումը, նյութերի և ծառայությունների գնման համար ծախսերի կրճատումը:

ՀԿԵ նոր բրենդի հաստատման հարցով Տնօրենների խորհուրդն որոշեց հաստատել Ընկերության նոր բրենդը՝ հաշվի առնելով կատարելագործման և «Ռուսական երկաթուղիներ» ԲԲԸ լոգոյի ավելացման անհրաժեշտությունը:

ՀԿԵ ՓԲԸ Տնօրենների խորհորդի նախագահ, «ՌԵ» ԲԲԸ նախագահ Վլադիմիր Յակունինը բարձր գնահատեց Ընկերության 2011 թվականի աշխատանքի արդյունքները: Իսկ ՀԿԵ բարձր ցուցանիշներն ապահոված աշխատողները կստանան պարգեվատրումներ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով