Հայաստանում գյուղական տարածքների տնտեսական զարգացման հիմնադրամը ամփոփել է 2011 թվականը

20 դեկտեմբերի 2011 - 15:15 AMT

PanARMENIAN.Net - Այսօր կառավարությունում, վարչապետ Տիգրան Սարգսյանի նախագահությամբ, տեղի է ունեցել Հայաստանում գյուղական տարածքների տնտեսական զարգացման հիմնադրամի (FREDA) հոգաբարձուների խորհրդի հերթական նիստը:

Անցնելով օրակարգային հարցերի քննարկմանը` հիմնադրամի տնօրեն Տիգրան Խանիկյանը զեկուցել է FREDA-ի 2011 թ. տարեկան հաշվետվության, բյուջեի կատարողականի և տարեկան աշխատանքային ծրագրով նախատեսված միջոցառումների իրականացման մասին: Նա անդրադարձել է ընթացիկ տարում իրականացված, ինչպես նաև վերջնական փուլում գտնվող և 2012 թ. ծրագրերին:

Նշելով, որ 2011 թ. հիմնադրամի ներդրումային պորտֆելի ընդհանուր ծավալը կազմել է 1.6 մլրդ ՀՀ դրամ, Տիգրան Խանիկյանը մանրամասներ է ներկայացրել կաթնամթերքի արտադրության, մրգերի և բանջարեղենի պահածոյացման, գինու արտադրության, թռչնաբուծության, ձկնաբուծության և վերամշակման ոլորտներում իրականացված ներդրումային ծրագրերի վերաբերյալ: Նա նաև տեղեկացրել է, որ մշակվել է ներդրումային ուղեցույց ագրոբիզնեսում գործող ընկերությունների համար, և ներկայումս հիմնադրամը քննարկում է նոր ներդրումային նախագծերի ֆինանսավորման հեռանկարները:

Հաշվետվության վերաբերյալ մտքերի փոխանակությունից հետո խորհուրդը հաստատել է այն: Վարչապետ Սարգսյանը հանձնարարել է հիմնադրամի տնօրենին բանակցություններ վարել պոտենցիալ ներդրողների հետ լրացուցիչ ֆինանսավորման աղբյուրներ հայթայթելու և գործունեության ծավալներն ընդլայնելու նպատակով:

Այնուհետև քննարկվել և հավանության են արժանացել նաև FREDA-ի 2012 թ. ամփոփ բյուջեի նախագիծը, պահպանման ծախսերի նախահաշիվը, հաստիքացուցակը և 2012 թ. տարեկան աշխատանքային ծրագիրը:

Մեկ այլ հարցով արծարծվել է Հայաստանում գյուղական տարածքների տնտեսական զարգացման հիմնադրամի 2011 թ. ֆինանսատնտեսական գործունեության անկախ աուդիտ իրականացնող կազմակերպության թեկնածության հարցը: Նիստում որոշվել է մեկ տարով վերահաստատել FREDA-ի Ներդրումային կոմիտեի անդամների լիազորությունները:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով