 ՎՏԲ-Հայաստան բանկի իրավաբանական անձինք կարող են իրենց դեպոզիտներից տոկոսները ստանալ պայմանագրի կնքման օրը 18 հունվարի 2012 - 11:16 AMT PanARMENIAN.Net - Սկսած հունվարի 18-ից ՎՏԲ-Հայաստան բանկն իր իրավաբանական անձ հանդիսացող հաճախորդներին առաջարկում է ավանդների նոր տեսակներ` «ՎՏԲ - Էքսպրես» և «ՎՏԲ - Էքսպրես+»` ժամկետի սկզբում տոկոսների ստացման հնարավորությամբ, ինչը թույլ է տալիս անհապաղ ստանալ երաշխավորված եկամուտ: Ավանդից ֆիքսված եկամուտ կարելի է ստանալ միջոցների տեղաբաշխման պայմանագիրը կնքելուց անմիջապես հետո: Իսկ «ՎՏԲ - Էքսպրես+» ավանդատեսակը հնարավորություն է տալիս նաև կատարել ավանդային հաշվի համալրում: Բացի այդ ՎՏԲ-Հայաստան բանկն առաջարկում է իր կորպորատիվ հաճախորդներին դասական ավանդատեսակների լայն ընտրանի` ավանդի պայմանների ընտրությամբ, համապատասխան հաճախորդի ընթացիկ պահանջներին: Հաճախորդը ինքն է որոշում, թե ոնց է իրեն հարմար, ստանալ ավանդի դիմաց հաշվեգրված տոկոսները ամենամսյա թե ժամկետի վերջում, հաշվի համալրման կամ դուրսգրման իրավունքով: «Մենք առաջարկում ենք մեր հաճախորդներին դրամական միջոցների տեղաբաշխման ընտրության հարմարավետ համակարգ` հաշվի առնելով նրանց նպատակները և պահանջները: Բանկում իրավաբանական անձանց համար առկա են տարբեր ավանդատեսակներ, և ներկա պահին այդ ցանկը լրացվում է նոր, առավելագույնս հարմարավետ պայմաններով` էլ ավելի ընդլայնելով իրավաբանական անձանց մատուցվող ծառայությունների ցանկը»,- «ՎՏԲ -Հայաստան բանկ» ՓԲԸ Գլխավոր տնօրեն - Տնօրինության նախագահ Վալերի Օվսյաննիկովի խոսքն է մեջբերում բանկի մամլո ծառայությունը: ՎՏԲ-Հայաստան բանկի իրավաբանական անձանց ավանդների պորտֆելը տարվա վերջին 2010թ. ավարտի համեմատ աճել է ավելի քան 60%-ով:
  Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
