 Արթուր Բաղդասարյանը կարևորել է Ռոսսելխոզբանկի ներկայացվածությունը Հայաստանում 24 հունվարի 2012 - 16:08 AMT PanARMENIAN.Net - ԱԱԽ քարտուղար Արթուր Բաղդասարյանն այսօր ընդունել է Ռուսաստանի խոշորագույն բանկերից մեկի` Ռոսսելխոզբանկի պատվիրակությանը` խորհրդի նախագահ Դմիտրի Պատրուշևի գլխավորությամբ, հայտնում է ԱԱԽ մամլո ծառայությունը: Հանդիպման ընթացքում քննարկվել են պարենային անվտանգության ապահովմանն առնչվող հարցերի լայն շրջանակ, և այս համատեքստում ընդգծվել է գյուղատնտեսության ոլորտի հետագա զարգացման խթանման կարևորությունը: Կողմերը քննարկել են նաև Հայաստանի Հանրապետությունում բանկի ներկայացուցչության հիմնմանն առնչվող հարցեր: Դմիտրի Պատրուշևը նշել է, որ բանկը Ռուսաստանի Դաշնության ագրո-արդյունաբերական համալիրի ֆինանսավորման առաջատարներից է, ինչպես նաև պետական նպատակային ծրագրերի իրականացնող օպերատորը: Բանկի խորհրդի նախագահի համոզմամբ` այս ուղղությամբ առկա է մեծ փորձ, որի կիրառումը, Հայաստանում մեծապես կնպաստի երկու երկրների միջև այս և այլ ոլորտներում ֆինանսատնտեսական կապերի ամրապնդմանը: ԱԱԽ քարտուղար Արթուր Բաղդասարյանը կարևորել է բանկի ներկայացվածությունը Հայաստանում և հույս հայտնել, որ այն իր գործունեությամբ կնպաստի Հայաստանում գյուղատնտեսության ոլորտի ծրագրերի, գյուղատնտեսական արտադրանքի վերամշակման ձեռնարկությունների ֆինանսավորման և ընդհանուր առմամբ ոլորտում ներդրումների և ֆինանսավորման ծավալների մեծացմանը:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Բաժիններ թեմայով Վերջին լուրեր Վարչապետ․ Սահմանային սյուները ՀՀ անվտանգության երաշխիքի սյուներ են, եթե գործընթացը կասեցվի` պատերազմ կլինի  Նա ասել է, որ պետք է ամեն ինչ անել սահմանային սյուները շատացնելու համարՓաշինյանը` ՀՀ նպատակների մասին․ Թուրքիայի և Ադրբեջանի հետ թշնամության կառավարում, նվազեցում, զրոյացում Նա ասել է, որ այս համատեքստում կառավարությունը հատուկ կարևորություն է տալիս «Խաղաղության խաչմերուկ» նախագծինՓաշինյան․ Սահմանազատումն արվում է ԽՍՀՄ վերջին քարտեզների հիման վրա, 1988–ի սահմանազատումն իրավական ուժ չունի Նա, սակայան, չի նշել, թե կոնկրետ որ թվականի քարտեզի մասին է խոսքըՓաշինյան․ Ալմաթիի հռչակագիրը խաղաղության պայմանագրում ներառելու հարցը կքննարկվի մայիսի 10-ին Վարչապետին հացրել են, թե ինչո՞ւ Բաքուն չի համաձայնում Ալմաթիի հռչակագիրը ներառել նաև խաղաղության պայմանագրում |
