Կառավարությունը հաստատել է «ՀԿԵ-ի» որպես Հայկական երկաթուղու կոնցեսիոների կարգավիճակը 9 փետրվարի 2012 - 14:36 AMT PanARMENIAN.Net - Հայաստանի Հանրապետության կառավարությունը պաշտոնապես ճանաչեց «Հարավկովկասյան երկաթուղի» ՓԲԸ-ի որպես Հայկական երկաթուղու կոնցեսիոներ: Այս օրերին ուժի մեջ է մտնում Հայաստանի կառավարության որոշումը, համաձայն որի հանրային ծառայությունների մատուցման ենթակառուցվածքներ հանձնելու մասին համաձայնությունները /պայմանագրերը/ հարկման նպատակով որակվում են որպես կոնցեսիոն պայմանագրեր: Այսպիսով, ՀՀ կառավարությունը սահմանում է ենթակառուցվածքի հանձնման մասին պայմանագրերի որպես կոնցեսիոն որակելու հստակ չափանիշներ և ընթացակարգեր: Հանրային ծառայությունների մատուցման համար նախատեսված ենթակառուցվածքների շարքին դասվում են, մասնավորապես, երկաթուղային համակարգը, ավտոկայանները, օդանավակայանները, էներգամատակարարման և ջրամատակարարման համակարգերը: «Իր որոշումով կառավարությունը պաշտոնապես հաստատեց ՀԿԵ ՓԲԸ-ի որպես Հայկական երկաթուղու կոնցեսիոների /կառավարչի/ կարգավիճակը, և Ընկերությունն օգտվելու է ԱԱՀ ու եկամտահարկի գծով արտոնություններից»,-ասվում է ընկերության հաղորդագրությունում: ՀԿԵ-ն բազմաթիվ անգամ հայտարարել էր «կոնցեսիոն գործունեություն» և «կոնցեսիոն պայմանագիր» հասկացությունների օրենսդրական կարգավորման անհրաժեշտության մասին: Ընկերությունն արդեն ներկայացրել է կառավարությանը ՀՀ Քաղաքացիական օրենսգրքում փոփոություններ կատարելու մասին իր առաջարկությունները: ՀԿԵ-ն առաջարկում է օրենսգրքում ներառել նոր գլուխ, որը կկարգավորի կոնցեսիոն պայմանագրերը և կոնցեսիոն գործունեությունը: Հաշվի առնելով, որ Հայաստանում արդեն իսկ գործում են մի շարք ընկերություններ, որոնք իրականացնում են տարբեր ոլորտների ենթակառուցվածքի կոնցեսիոն կառավարումը՝ կառավարության նման որոշումը կարելի է գնահատել որպես կառավարչի գործունեության համար լրացուցիչ խթան ու ևս մեկ քայլ դեպի կոնցեսիոն գործունեության լիարժեք օրենսդրական կարգավորում: Բացի այդ, այս որոշումը թույլ կտա ուժեղացնել պետություն-մասնավոր հատված համագործակցությունը, ինչին ՀԿԵ ՓԲԸ-ն տալիս է հատուկ կարևորություն: Լինելով համազգային տրանսպորտային ընկերություն՝ ՀԿԵ-ն ողջունում է կառավարության նման քայլերը, որոնք ուղղված են նաև Ընկերության գործունեության երաշխիքների ուժեղացմանը: Դա հատուկ ակտուալ է հաշվի առնելով այն փաստը, որ «Հարավկովկասյան երկաթուղի» ընկերությունը հանդիսանում է Հայաստանի համակարգաստեղծ, սոցիալական ուղղվածություն ունեցող ձեռնարկություններից մեկը և երկրի երրորդ խոշորագույն գործատու: «ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերություն և իրականացնում է «Հայկական երկաթուղիներ» ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |