ՀԱՅԱՍՏԱՆԻ ՆԱԽԱԳԱՀԸ ԵՎ «ԳԱԶՊՐՈՄԻ» ՂԵԿԱՎԱՐՈՒԹՅՈՒՆԸ ՔՆՆԱՐԿԵԼ ԵՆ ԻՐԱՆ-ՀԱՅԱՍՏԱԱՆ ԳԱԶԱՄՈՒՂԻ ՇԻՆԱՐԱՐՈՒԹՅՈՒՆԸ

PanARMENIAN.Net - ՀՀ Նախագահ Ռոբերտ Քոչարյանը եւ ռուսաստանյան «Գազպրոմ» ԲԲԸ-ի պատվիրակությունը` վարչության նախագահի տեղակալ Ալեքսանդր Ռյազանովի գլխավորությամբ Երեւանում քննարկել են Իրան-Հայաստան գազամուղի շինարարությանն առնչվող հարցեր: Ինչպես տեղեկացրել են ՀՀ նախագահի մամուլի ծառայությունում, հանդիպման ընթացքում քննարկվել են նաեւ Հայաստանի գազամատակարարման ընթացիկ վիճակը, ինչպես նաեւ հեռանկարային ծրագրերն այդ ոլորտում: Ռ.Քոչարյանը բավարարվածություն է հայտնել «Գազպրոմի» հետ հանրապետության համագործակցության ներկայիս մակարդակի առնչությամբ: Հայաստանի նախագահի հետ հանդիպումից հետո Ռյազանովը տեղեկացրել է, որ Իրան-Հայաստան գազամուղի շինարարության համար անհրաժեշտ է 140 մլն դոլար: Դրանք կարող են լինել կամ պետական վարկեր, կամ էլ «Գազպրոմի» միջոցները: Հիշեցնենք, որ 2004 թվականի մայիսի 13-ին Հայաստանն ու Իրանը ստորագրել են Հայաստանին 20 տարի ժամկետով գազի մատակարարման պայմանագիր: Այդ ժամանակահատվածում հանրապետություն Իրանից կմատակարարվի 36 մլրդ խորանարդ մետր գազ: