  ՀԴԿ-ն կոչ է անում Երեւանին հրաժարվել Մադրիդյան սկզբունքներից եւ ճանաչել ԼՂՀ անկախությունը27 նոյեմբերի 2009 - 14:41 AMT PanARMENIAN.Net - Հայկական կողմը պետք է հայեցակարգային փոփոխություններ կատարի ղարաբաղյան հակամարտության շուրջ բանակցային գործընթացում: Այդ մասին Երեւանում կայացած մամլո ասուլիսում հայտարարել է Հայաստանի դեմոկրատական կուսակցության առաջնորդ Արամ Սարգսյանը: «Ադրբեջանական կողմը անընդհատ խոսում է 7 շրջանների մասին, իսկ Հայաստանն ասում է, թե այժմ քննարկվում է Ղարաբաղի կարգավիճակի հարցը: Ինչպես հայտնի է, այսօր բանակցությունների սեղանին են Մադրիդյան սկզբունքները եւ եթե այժմ քննարկվում է կարգավիճակի հարցը, ապա նշանակում է, որ մյուս բոլոր հարցերն արդեն լուծված են»,-ասել է կուսակցության ղեկավարը: Ըստ նրա, Ադրբեջանի նախագահ Իլհամ Ալիեւի վերջին ռազմատենչ հայտարարություններից հետո, Հայաստանը պետք է կասեցներ բանակցությունները եւ սպասել ԵԱՀԿ Մինսկի խմբի համանախագահների գնահատականին: Ինչպես նշել է Արամ Սարգսյանը, չճանաչելով Ղարաբաղի անկախությունը` պաշտոնական Երեւանն այդպես էլ չկարողացավ միջազգային հանրությանը ներկայացնել ղարաբաղյան հակամարտության բուն էությունը: Ըստ նրա, Հայաստանը լռում է, երբ Բաքուն նրան ագրեսոր է անվանում: «Մենք պետք է հայտարարենք, որ Լեռնային Ղարաբաղի մերձակա տարածքները փոխհատուցում են 500 հազար հայ փախստականների համար»,-ասել է ՀԴԿ նախագահը: Նա կոչ է արել պաշտոնական Երեւանին հրաժարվել Մադրիդյան սկզբունքներից, ճանաչել Ղարաբաղի անկախությունը եւ որոշել նրա վերջնական կարգավիճակը:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Բաժիններ թեմայով Սյուժե Վերջին լուրեր Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը  Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնումՈւրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ինFastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումներըԲագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |
