Ռուբեն Մեհրաբյան. Հայոց ցեղասպանության մասին բանաձևը դեռ երկար կքննարկվի ԱՄՆ Ներկայացուցիչների պալատում18 դեկտեմբերի 2010 - 16:07 AMT PanARMENIAN.Net - «ԱՄՆ Կոնգրեսում ստեղծված պատկերն առանձնահատուկ չէ, այն, ավելի շուտ, որոշակի դեժավյու է: Ես կարծում եմ, որ Հայոց ցեղասպանության մասին բանաձևը դեռ երկար կքննարկվի ԱՄՆ Ներկայացուցիչների պալատում»,- PanARMENIAN.Net ի թղթակցի հետ զրույցում հայտարարել է Քաղաքական և միջազգային հետազոտությունների հայկական կենտրոնի փորձագետ Ռուբեն Մեհրաբյանը` մեկնաբանելով տեղեկություններն այն մասին, որ Հայոց ցեղասպանության մասին բանաձևը կարող է 48 ժամվա ընթացքում քննարկվել ԱՄՆ Ներկայացուցիչների պալատում: Միաժամանակ, նա նշել է, որ բանաձևի քննարկումը թելադրվելու է բացառապես ԱՄՆ շահերով: «Մերձավոր Արևելքը ԱՄՆ համար սպառնալիքների գլխավոր աղբյուրն է»,- ասել է նա և հավելել, որ Ամերիկան մտադիր չէ հարաբերությունները փչացնել Թուրքիայի հետ, որոնք առանց այդ էլ բարդացել են: «Ես նախադրյալներ չեմ տեսնում նրա համար, որպեսզի ԱՄՆ-ն փոխի իր արտաքին քաղաքականությունը»,- ասել է նա և ավելացրել է, որ ԱՄՆ կողմից բանաձևի ընդունումը կարող է հանգեցնել տարածաշրջանում անկանխատեսելի հետևանքների: Այն մասին, որ Հայոց ցեղասպանության ճանաչման մասին բանաձևը կարող է քննարկվել Ներկայացուցիչների պալատում առաջիկա 48 ժամվա ընթացքում, նախօրեին PanARMENIAN.Net ի թղթակցին հայտնել է Ամերիկայի Հայ դատի հանձնախմբի մամլո քարտուղար (ANCA) Էլիզաբեթ Չուլջյանը: Նրա խոսքերով, ANCA-ն կոչ է անում ԱՄՆ հայերին զանգահարել իրենց կոնգրեսականներին և պահանջել նրանցից քվերակել 252 բանաձևի ընդունման օգտին: ANCA-ն, ինչպես նաև շոու բիզնեսի հայազգի անվանի ներկայացուցիչները նախաձեռնել են ակցիա, որը կոչ է անում Ներկայացուցիչների պալատի խոսնակ Նենսի Փելոսիին քվեարկության դնել Հայոց ցեղասպանության մասին 252 բանաձևը: Հայոց ցեղասպանության մասին բանաձև 252 բանաձևը Ներկայացուցիչների պալատին են ներկայացրել Ադամ Շիֆն ու Ջորջ Ռադանովիչը: Ներկայումս բանաձևին սատարում են շուրջ 140 կոնգրեսականներ: 2010 թվականի մարտի 4-ին Ներկայացուցիչների պալատի արտաքին հարաբերությունների կոմիտեն հավանություն տվեց բանաձևին՝ 22 «կողմ» և 21 «դեմ» ձայների հարաբերակցությամբ: Նմանատիպ բանաձև է ներկայացված նաև ԱՄՆ Սենատում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |