G8 հայտարարությունները ֆորմալ հաստատում են, որ ԱՄՆ-ն և ՌԴ-ն ԼՂ հիմնախնդրի խաղաղ լուծման երաշխավորն են26 մայիսի 2011 - 19:40 AMT PanARMENIAN.Net - Ղարաբաղյան հակամարտության վերաբերյալ հայտարարություններ, ինչպես այսօրվանն էր, շատ են եղել: Գերագույն մակարդակով ցանկացած հանդիպումից հետո ԵԱՀԿ ՄԽ համանախագահ երկրները հայտարարություններ են ընդունում, և G8 գագաթաժողովը Դովիլում բացառություն չէ: Այդ մասին PanARMENIAN.Net ի թղթակցի հետ զրույցում հայտնել է ՌԳԱ Արևելագիտության ինստիտուտի Կենտրոնական Ասիայի, Կովկասի և Ուրալա-Պովոլժյեի ուսումնասիրման կենտրոնի փորձագետ Անդրեյ Արեշևը: Նրա խոսքով` այդ հայտարարությունները ֆորմալ հաստատում են, որ ԱՄՆ-ն և ՌԴ-ն ղարաբաղյան հակամարտության խաղաղ կարգավորման երաշխավորն են: «Բայց կարևոր է այն, որ բոլոր այդ բարի մտադրություններն օդում կախված չմնան: Այժմ Մադրիդյան սկզբունքների ստեղծագործական հարմարեցում է հարկավոր, որովհետև «հում» տեսքով դրանք անպետք են հիմնախնդրի լուծման համար: Կրկնում եմ` հայտարարությունները չպետք է արտացոլեն կոնկրետ ամսաթվին, տվյալ դեպքում` մինչև բոլոր երեք երկրներում` ԱՄՆ-ում, Ռուսաստանում և Ֆրանսիայում կայանալիք նախագահական ընտրությունները հակամարտությունը կարգավորելու ցուցադրական ձգտումը»,- ասել է Արեշևը: Այսօր Դովիլ քաղաքում ընթացող «Մեծ ութնյակի» գագաթաժողովի ժամանակ ԵԱՀԿ Մինսկի խմբի համանախագահ երկրների նախագահներ Դմիտրի Մեդվեդևը, Բարաք Օբաման և Նիկոլյա Սարկոզին համատեղ հայտարարություն են ընդունել, որում Հայաստանի և Ադրբեջանի նախագահներին կոչ են արել «քաղաքական կամք դրսևորել և հունիսին կայանալիք հայ-ադրբեջանական գագաթաժողովի ընթացքում ավարտել հիմնարար սկզբունքների շուրջ աշխատանքները: Հետագա երկարաձգումը միայն հարցականի տակ կդնի կողմերի հավատարմությունը պայմանավորվածությունների ձեռքբերմանը»: «Մենք հաստատում ենք, որ միայն բանակցությունների ճանապարհով կարգավորումը կարող է խաղաղության, կայունության և հաշտության հանգեցնել` հնարավորություններ բացելով տարածաշրջանային զարգացման և համագործակցության համար»,- ասվում է հայտարարության մեջ: Օբաման, Սարկոզին և Մեդվեդևը «համոզված են, որ ժամանակն է, որպեսզի ղարաբաղյան հակամարտության բոլոր կողմերը քայլ կատարեն դեպի խաղաղ կարգավորումը»: ԵԱՀԿ Մինսկի խմբի համանախագահներն ընդգծել են, որ դիմակայության և անկայունության ներկայիս իրադրության ստեղծմանը հանգեցրել է ուժի կիրառումը: «Դրա կրկնակի կիրառումը միայն նոր տառապանքներ և սնանկություն կբերի և կդատապարտվի միջազգային հանրության կողմից: Մենք կողմերի առաջնորդներին համառորեն խորհուրդ ենք տալիս բնակչությանը նախապատրաստել խաղաղության, այլ ոչ թե պատերազմի»,- նշել են նախագահները: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |