ՄԱԿ-ի հայաստանյան գրասենյակում տեղի ունեցավ օրիգամիի յուրատեսակ հավաքածուի ցուցադրության շնորհանդես15 հուլիսի 2010 - 21:38 AMT PanARMENIAN.Net - «Խաղաղության լապտերներ» հայ-ճապոնական ծրագրի շրջանակներում օրիգամիի յուրատեսակ հավաքածուի ցուցադրության շնորհանդես տեղի ունեցավ ՄԱԿ-ի հայաստանյան գրասենյակում: Միջոցառումը թատերականացված ցուցահանդես էր` նվիրված 1945թ. ճապոնական Հիրոսիմա և Նագասակի քաղաքների ատոմային ռմբակոծման զոհերի հիշատակին: Հայաստանում օրիգամիի այս ցուցահանդեսը նպատակաուղղված է հայ-ճապոնական հարաբերությունների խթանմանը, և հիմնական նպատակը խաղաղության մասին հանրային իրազեկության բարձրացումն է: Ցուցահանդեսը կազմակերպել են Հայ-ճապոնական գիտակրթամշակութային «Հիկարի» կենտրոնը, Գեղագիտության ազգային կենտրոնը` ՄԱԿ-ի մշտական համակարգողի աջակցությամբ: Իր ողջույնի խոսքում տկն Դաֆինա Գերչևան ասել է. «Ցուցահանդեսները խաղաղության մասին հանրությանը իրազեկելու ու ժողովուրդների միջև կապեր հաստատելու հիանալի միջոց են: Այլ մշակույթների և կենցաղավարության մասին տեղեկացվածությունը համընդհանուր խաղաղություն ու գործընկերություն զարգացնելու հրաշալի միջոց է: Սա հենց Միավորված ազգերի կազմակերպության հիմնարար արժեքներից մեկն է»: Գեղագիտության ազգային կենտրոնի սաների մտահղացումը կյանքի է կոչվել 2005թ., երբ փոքրիկ ճապոնուհի Սադակո Սասակիի ողբերգական պատմությունը տարածվեց աշխարհում: Սադակոն երկու տարեկան էր, երբ ատոմային հարձակումը տեղի ունեցավ և, որպես հետևանք, նա սկսեց տառապել լեյկիմիայով: Նա հավատում էր, որ եթե կարողանա հազար թղթե կռունկ պատրաստել, կբուժվի: Բայց նրա երազանքը չիրականացավ: 12 տարեկան հասակում Սադակոն, երբ պատրաստել էր իր 644-րդ կռունկը, հրաժեշտ տվեց կյանքին: Հայ մանուկներն իրականացրեցին Սադակոյի անավարտ մնացած երազանքը և նրանք արդեն հինգերորդ պատերազմը դատապարտող և խաղաղություն քարոզող իրենց հույզերն ու մտքերը լապտերների տեսքով կուղարկեն Ճապոնիայի Խաղաղության հիշատակի հիմնադրամին: Հայ երեխաների այս աննախադեպ ծրագիրը 2008 թվականին վերաճեց միջազգային ծրագրի, քանի որ հայ երեխաների այս նախաձեռնությանը միացան Կանադայի, Անգլիայի, Ռուսաստանի, ԱՄՆ-ի երեխաները: Հենց այս լուսավոր ծրագիրն էլ հիմք է հանդիսացել սկսելու Երևան-Հիրոսիմա` քույր քաղաքներ գործընթացը: Հայ երեխաների այս յուրատեսակ ակցիան ճապոնացիներն ու միջազգային հանրությունը շատ բարձր են գնահատել: Այսպիսով, հայ երեխաները ոչ միայն նկարիչներ ու երգիչներ դարձան, այլև խաղաղության իսկական դեսպաններ: Միջոցառումը համընկավ Ճապոնիայում Հայաստանի Հանրապետության դեսպանատան բացման ու Մշակույթների մերձեցման միջազգային տարվա շնորհանդեսի հետ: Այս մասին հաղորդում է ՄԱԿ- ի հայաստանյան գրասենյակի մամլո ծառայությունը: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | ARARAT-ի հատուկ երեկո՝ նվիրված Ազնավուրի 100-ամյակին Դեռևս թատրոնի շեմից հյուրերն լիապես պարուրվում էին ազնավուրյան տրամադրությամբ Սիմոնյան. Անընդունելի է, երբ եկեղեցականը, եկեղեցին զբաղվում են քաղաքականությամբ՝ քաղաքականությունն առևտուր է «Անտարբեր նայելը և քաղաքական գործունեությամբ զբաղվելը տարբեր բաներ են»,–ասել է նա ԱԺ նախագահ․ 2026-ի ընտրություններում Տավուշի այդ գյուղերում ՔՊ-ն հաղթելու է շռնդալից կերպով «Հայաստանն իր քաղաքացիներից որևէ մեկին չի նեղացնելու, անտեր ու անտուն չի թողնելու»,–ասել է նա Սիմոնյան․ Ալիևի հայտարարությունները ներքին լսարանի համար են «Այնուամենայնիվ հանդիպումների ժամանակ մենք այդ հարցերը բարձրացնում ենք»,–ասել է նա |