 Համագործակցություն կհաստատվի Հայաստանի Վայք եւ Իտալիայի Արեցցո քաղաքների միջեւ  28 հուլիսի 2010 - 18:07 AMTPanARMENIAN.Net - Հուլիսի 27-ին ՀՀ ԱԳ նախարարի տեղակալ Կարինե Ղազինյանն ընդունեց Իտալիայի Տոսկանա նահանգի «Ռոնդինե` խաղաղության ամրոց» ասոցիացիայի ղեկավար Ֆրանկո Վակարիի ղեկավարած պատվիրակության անդամներին, ովքեր Երեւանում են գտնվում տարածաշրջանային այցով` առկա հակամարտություների խաղաղ կարգավորմանն աջակցելու առաքելությամբ: Հանդիպման ընթացքում Ֆրանկո Վակարին նշեց, որ իրենք աշխարհի տարբեր մասերում հակամարտության մասնակից բոլոր կողմերից ուսանողներ են հրավիրում Իտալիայի Տոսկանայի նահանգ ուսումը շարունակելու նպատակով: Նախարարի տեղակալը շնորհակալություն հայտնեց սեպտեմբերից Հայաստանից առաջին ուսանողի եւ հաջորդ տարի մեկ ուսանող նաեւ Լեռնային Ղարաբաղի Հանրապետությունից ասոցիացիայի կողմից Իտալիա հրավիրելու կապակցությամբ: Կարինե Ղազինյանն ընդգծեց խաղաղության կարեւորությունը ողջ տարածաշրջանի համար, ինչպես նաեւ ներկայացրերց ԼՂ հակամարտության հետ կապված մանրամասներ: Պայմանավորվածություն ձեռք բերվեց համագործակցություն հաստատել Հայաստանի Վայք եւ Իտալիայի Արեցցո քաղաքների միջեւ: Կազմակերպությունն անցյալ տարի մայիսին Արեցցոյում կայացած միջազգային համաժողովին ընդունել էր 14 կետանոց հռչակագիր, որն էլ պաշտոնապես հանձնվեց ՀՀ ԱԳ փոխնախարարին հանդիպման ավարտին: Նույն օրը պատվիրակության անդամները հանդիպեցին նաեւ Վայքի քաղաքապետի հետ, քննարկումներ ունեցան ՀՀ սփյուռքի եւ կրթության ու գիտության նախարարություններում: Հուլիսի 26-ին Փոխըմբռնման հուշագիր է ստորագրվել Երեւանի Բրյուսովի անվան լեզվաբանական համալսարանի ռեկտոր Սուրեն Զոլյանի եւ Ասոցիացիայի նախագահ Ֆրանկո Վակարիի միջեւ, ինչպես նաեւ հանդիպում է տեղի ունեցել Երեւանի պետական համալսարանի ռեկտոր Արամ Սիմոնյանի հետ, հայտնում է ՀՀ ԱԳՆ մամլո ծառայությունը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
