«Հայաստան» համահայկական հիմնադրամը տեղական մարմիններ է հիմնել Ուրուգվայում և Արգենտինայում 8 սեպտեմբերի 2010 - 21:29 AMT PanARMENIAN.Net - Օգոստոսի վերջին «Հայաստան» համահայկական հիմնադրամի ևս երկու տեղական մարմին բացվեց Լատինական Ամերիկայում` Ուրուգվայում և Արգենտինայում: Նոր տեղական մարմինների կայացմանը նպաստելու և տեղի հայ համայնքների հետ հանդիպումներ ունենալու նպատակով «Հայաստան» համահայկական հիմնադրամի գործադիր վարչության ներկայացուցիչ, միջազգային հարաբերություների և ծրագրերի պատասխանատու Հրաչ Հովհաննիսյանը պաշտոնական այցով մեկնել էր Բրազիլիա, Արգենտինա և Ուրուգվայ: Երկշաբաթյա շրջագայությունը մեկնարկեց Բրազիլիա կատարված քառօրյա այցով: Հանգանակված գումարները կուղղվեն Երևանի Նորք-Մարաշ հիվանդանոցի բարեկարգմանը: Բուենոս Այրեսում, ուր հիմնականում կենտրոնացած է շուրջ 70 հազար արգենտինահայերի ճնշող մեծամասնությունը, 1992 թվականից գործում է «Հայաստան» համահայկական հիմնադրամի տեղական մարմինը: Երկրորդ խոշոր հայ համայնքը, ուր բնակվում է շուրջ 10 հազար հայ, Կորդոբան է, որտեղ և հիմնվեց նոր տեղական մարմին: Արգենտինան դարձավ երրորդ երկիրը` ԱՄՆ-ից և Կանադայից հետո, ուր Հիմնադրամն ունի երկուական տեղական մարմին: Գործադիր վարչության ներկայացուցիչ Հրաչ Հովհաննիսյանը գործնական հանդիպումներ է ունեցել Արգենտինայում Հիմնադրամի հոգաբարձու Էդուարդո Սեֆերյանի, Հիմնադրամի աջակից անդամ Խորխե Վարդպարոնյանի և այլ հայազգի գործիչների հետ: Հայկական բոլոր գործող կառույցներում, որտեղ տեղի են ունեցել հանդիպումներ, ներկայացրել է Հիմնադրամի ընթացիկ աշխատանքները և ապագայի տեսլականը: Բուենոս Այրեսի տեղական մարմնի ատենապետ Խորխե Մյուրեքյանի խոսքով, կարևոր է, որ այցելությունները Երևանի գրասենյակից պարբերական բնույթ կրեն: 8-ամյա դադարից հետո Ուրուգվայում ` Մոնտեվիդեոյում, վերաբացվեց «Հայաստան» համահայկական հիմնադրամի տեղական մարմինը, որը ուրուգվայահայերի համեմատաբար փոքր համայնքին հնարավորություն կընձեռի այսուհետ առավել համակարգված շարունակել հայրենիքին աջակցելու իրենց նվիրական գործը: «Յուրաքանչյուր նոր տեղական մարմնի բացում, ոչ միայն մեծ ոգևորություն է Հայաստանում և Արցախում բնակվող մեր հայրենակիցների համար, այլև խթան` Սփյուռքում գործող Հիմնադրամի տեղական մարմինների համար, որոնք այսպիսով դառնում են ավելի մեծ և ամուր ընտանիքի անդամ»,- այս առիթով ասել է Հիմնադրամի միջազգային հարաբերությունների և ծրագրերի պատասխանատու Հրաչ Հովհաննիսյանը, հաղորդում է «Հայաստան» համահայկական հիմնադրամի մամլո ծառայությունը: Ներկայումս «Հայաստան» համահայկական հիմնադրամն աշխարհին ներկայանում է 17 երկրում գործող իր 20 տեղական մարմիններով: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |