Հայաստանում աշխատում են տեսարժան վայրերի աուդիոշրջագայություններ ստեղծելու վրա

Հայաստանում աշխատում են տեսարժան վայրերի աուդիոշրջագայություններ ստեղծելու վրա

PanARMENIAN.Net - «Հայաստանի հուշարձանների հետ ծանոթանալու նախագիծը» (ԱՄԱՓ) աշխատում է Հայաստանի տեսարժան վայրերի աուդիոտուրեր ստեղծելու վրա: Ինչպես ասել է կազմակերպության տնօրեն Ռիչարդ Նայը, նախագծի փորձնական մասի շրջանակներում արդեն կազմվել են հնգալեզու աուդիոտուրեր, որոնք կարելի է լսել բջջային հեռախոսների օգնությամբ: Ինչպես ասել է կազմակերպության մամլո քարտուղար Քրիստինե Բեսալյանը, արդեն պատրաստ են Գառնիի, Գեղարդի, Ագարակի, Աղձքի և Երևանի մասին պատմող աուդիոտուրերը: «Աուդիոտուրին միանալու համար անհրաժեշտ է հավաքել միայն տեղեկատվական վահանակի վրա տեղադրված համարը»,- ասել է նա: Միաժամանակ, դեռ հայտնի չէ ծառայությունը շահագործման հանձնելու ստույգ ամսաթիվը: Կազմակերպությունը բանակցություններ է վարում շահագրգիռ կազմակերպությունների հետ: Ծառայություն կարող է տրամադրել Հայաստանի երեք օպերատորներից յուրաքանչյուրը: Ինչպես նշել է Բեսալյանը, նախատեսվում է, որ այդ ծառայությունը պետք է շահութաբեր նախագիծ դառնա և նվազեցնի ԱՄԱՓ կախվածությունը դոնորներից:

 Ուշագրավ
Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը
Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները
---