 Յ. Լենարչիչ. Նոր «Քրեական դատավարության օրենսգրքի» ընդունումը ցուց կտա, թե որքանով է ՀՀ օրենսդրությունը համապատասխանում միջազգային չափանիշներին 9 մարտի 2011 - 18:13 AMT PanARMENIAN.Net - ՀՀ գլխավոր դատախազ Աղվան Հովսեփյանը մարտի 9-ին ընդունել է ԵԱՀԿ ԺՀՄԻԳ ղեկավար, դեսպան Յանեշ Լենարչիչին, ԵԱՀԿ երևանյան գրասենյակի ղեկավար, դեսպան Սերգեյ Կապինոսին: Հանդիպմանը մասնակցում էին ԵԱՀԿ երևանյան գրասենյակի և ՀՀ գլխավոր դատախազության աշխատակիցներ: Հանդիպման ընթացքում քննարկվեցին ԺՀՄԻԳ-ի կողմից «ՀՀ քրեական դատավարության օրենսգրքի» նոր հայեցակարգի վերաբերյալ ներկայացված առաջարկությունների և դրանց շուրջ ՀՀ դատախազության տեսակետների մասին հարցերը: ՀՀ գլխավոր դատախազը շնորհակալություն հայտնեց պարոն Յ. Լենարչիչին, ներկայացված առաջարկությունների, համագործակցության պատրաստակամության և ստացված դրական արդյունքների համար: Ա. Հովսեփյանը տեղեկացրեց, որ ընդհանուր առմամբ պատրաստ են «Քրեական դատավարության օրենսգրքի» նոր հայեցակարգով նախատեսված փոփոխությունների փաթեթները և առաջիկայում Կառավարությունը այն կներկայացնի Ազգային Ժողովի քննարկման: Գլխավոր դատախազը նշեց, որ նոր «Քրեական դատավարության օրենսգրքի» ընդունման հարցը կարևորվել է նաև ՀՀ նախագահի կողմից և նախագահի հրամանագրով ստեղծվել է աշխատանքային խումբ` Սահմանադրական դատարանի նախագահի գլխավորությամբ, սահմանվել են աշխատանքների կարգը և ժամկետները: ԺՀՄԻԳ ղեկավար Յ. Լենարչիչը շեշտեց, որ նոր «Քրեական դատավարության օրենսգրքի» ընդունումը նաև ցուց է տալու, թե որքանով է ՀՀ օրենսդրությունը քրեական ոլորտում համապատասխանում միջազգային չափանիշներին և Հայաստանի կողմից ստանձնած պարտավորություններին: Դեսպան Յ. Լենարչիչը որ վերջին շրջանում, Հայաստանում գնալով ավելի է նկատվում բարեփոխումներ իրականացնելու գործընթացի ակտիվացում: Գլխավոր դատախազը նաև նշեց, որ անձամբ իր խնդրանքով ԵԱՀԿ երևանյան գրասենյակը անցկացնում է դատախազական համակարգի բարեփոխումների փորձագիտական մոնիտորինգ, հստակեցնելու, թե անցկացված բարեփոխումների արդյունքում, որքանով է դատախազական համակարգը համապատասխանում միջազգային չափանիշներին: Հանդիպման ավարտին, հյուրերը պատրաստակամություն հայտնեցին ԵԱՀԿ մանդատի շրջանակներում աջակցել դատախազության խնդրահարույց հարցերի լուծմանը: ՀՀ գլխավոր դատախազը նշեց, որ համագործակցությունը ԵԱՀԿ երևանյան գրասենյակի հետ մշտապես տվել է դրական արդյունքներ, հայտնում է գլխավոր դատախազության Հանրային կապերի վարչությունը:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
