 Հայաստանի երիտասարդ բնապահպանների համագործակցությունն ավելի դյուրին կդառնա29 մարտի 2011 - 10:53 AMT PanARMENIAN.Net - Մարտի 30-ին «Երիտասարդ կենսաբանների ասոցիացիա» ՀԿ և Էկոլոգիական տեղեկատվության հասարակական «Օրհուս» կենտրոնները կազմակերպում են «Երիտասարդ բնապահպանների տեղեկատու»-ի շնորհանդեսը, հաղորդում է «Երիտասարդ կենսաբանների ասոցիացիա» ՀԿ մամլո ծառայությունը: Տեղեկատուի շնորհանդեսը նվիրված է «Անտառների միջազգային տարուն» և ներառվել է տարվա ընթացքում իրականացվող միջոցառումների միջազգային օրացույցի մեջ: 2011թ. ՄԱԿ-ի կողմից հայտարարվել է “Անտառների միջազգային տարի”, որի շրջանակներում իրականացվող միջոցառումները նպատակ ունեն բարձրացնել հասարակության տեղեկացվածության մակարդակը անտառների պահպանման և բնապահպանական այլ խնդիրների մասին: Տեղեկատուն ստեղծվել է «Երիտասարդ կենսաբանների ասոցիացիա» ՀԿ, Էկոլոգիական տեղեկատվության հասարակական «Օրհուս» կենտրոնների և «Նագաո» բնապահպանական հիմնադրամի հետ համատեղ: Այն պարունակում է գրանցված 87 երիտասարդ մասնագետի տվյալներ` անուն, աշխատատեղ, գիտական աստիճան, մասնագիտացում և ոլորտում ունեցած գիտահետազոտական նախասիրություններ, աշխատանքային և բջջային հեռախոսահամարներ, էլեկտրոնային հասցե: Տեղեկատուն նպատակ ունի ոլորտը ներկայացնող մասնագետներին իրար ճանաչելու հնարավորություն ընձեռել, կապ հաստատել նրանց միջև և նպաստել հետագա համագործակցությանը: Տեղեկատուի տպագիր տարբերակն անվճար կտրամադրվի երիտասարդ բնապահպաններին, բնապահպանական հասարակական, գիտակրթական և պետական կազմակերպություններին, իսկ էլեկտրոնային տարբերակը կտեղադրվի նախաձեռնող կազմակերպությունների պաշտոնական կայքերում:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
