Երևանում կայացավ հայ կնոջ յուրահատուկ տեղին ու դերին նվիրված կլոր սեղան 7 ապրիլի 2011 - 18:21 AMT PanARMENIAN.Net - Ապրիլի 7-ին ՀՀ սփյուռքի նախարարությունում կազմակերպվել էր «Հայ կնոջ դերը Սփյուռքում» խորագրով կլոր սեղան, որը վարում էր ՀՀ սփյուռքի նախարար Հրանուշ Հակոբյանը: Մասնակցում էին գիտական, կրթական հաստատությունների, հասարակական կազմակերպությունների ներկայացուցիչներ Հայաստանից և Սփյուռքից: Կլոր սեղանի նպատակն էր բնութագրել և արժևորել հայ կնոջ յուրահատուկ տեղն ու դերը հայ կյանքում, անդրադառնալ Սփյուռքում նրա կատարած ազգապահպան դերին, հայ կնոջ դերին ընդհանրապես` որպես ընտանիքի սրբության, պատվի ու արժանապատվության պահպանողի և նոր սերնդի առաջին դաստիարակի պարտականությունները կատարողի: Բացման խոսքով հանդես եկավ ՀՀ սփյուռքի նախարար Հրանուշ Հակոբյանը: Շնորհավորելով հայ կնոջը մայրության և գեղեցկության տոնի առթիվ` տիկին Հ.Հակոբյանը մաղթեց առողջություն և երջանկություն` ընդգծելով կնոջ անգնահատելի դերակատարությունը հայ հասարակությունում: Այնուհետև ՀՀ ԳԱԱ հնագիտության և ազգագրության ինստիտուտի աշխատակիցներ Ա.Ստեփանյանն ու Ս.Պողոսյանը զեկուցեցին համապատասխանաբար «Հայրենադարձությունը և հայ կինը» և «Հայ կինը ավանդական և արդի հասարակության մեջ` Հայաստանում և Սփյուռքում» թեմաներով: Կլոր սեղանի ընթացքում անդրադարձ կատարվեց հայ կնոջ դերին ազգային ինքնության ձևավորման ու պահպանության գործընթացում, հասարակական- քաղաքական, մշակութային կյանքում, գիտության և կրթության բնագավառում, հայտնել է Սփյուռքի նախարարության մամլո ծառայությունը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
