Երևանում կարող է դպրոց հիմնադրվել Թաիլանդի Ռիջենտս դպրոցի օրինակով 14 մայիսի 2011 - 10:57 AMT PanARMENIAN.Net - Կրթական ծրագրերին առնչվող հարցեր են քննարկվել Երևանի քաղաքապետ Կարեն Կարապետյանի ու Թաիլանդի և Միացյալ Թագավորության Ռիջենտս դպրոցի հիմնադիր նախագահ Վիրաչայ Թեչավիչիթի հանդիպման ժամանակ: Ողջունելով հյուրին` Կարեն Կարապետյանը նշել է, որ մայրաքաղաքի արդյունավետ կառավարման գործառույթից բացի, քաղաքապետարանը կարևորում է ևս երկու խնդիր` կրթված հասարակության ձևավորումն ու ներդրողների համար Երևանում դյուրին, մատչելի և հարմարավետ բիզնես միջավայրի ստեղծումը. «Այս երկու գործոնների առկայության դեպքում է, որ երկիրը լավ ապագա կարող է ունենալ»,- ընդգծել է քաղաքապետը: Վիրաչայ Թեչավիչիթը քաղաքապետին է ներկայացրել Ռիջենտս դպրոցի պատմությունը, ավանդույթներն ու կրթական ծրագրերը. «Մենք մեր դպրոցում պատրաստում ենք բազմակողմանի զարգացած առաջնորդներ»,- նշել է դպրոցի հիմնադիրը: Հաշվի առնելով Ռիջենտսի միջազգային ճանաչումը, ինչպես նաև բարձր գնահատելով դպրոցի կրթական ծրագրերի մակարդակը, Կարեն Կարապետյանը հյուրին առաջարկել է Երևանում նույնպես հիմնել ավանդույթներով հարուստ նմանատիպ դպրոց: Շնորհակալություն հայտնելով քաղաքապետին վստահության համար` Վիրաչայ Թեչավիչիթը պատրաստակամություն է հայտնել բազմակողմանի վերլուծել առաջարկն ու խոստացել է մինչ Թաիլանդ վերադառնալը ներկայացնել հստակ առաջարկների փաթեթ: Հանդիպման վերջում Կարեն Կարապետյանը Երևանում իրականացրած բարեգործական կրթական ծրագրերի համար Ռիջենտս դպրոցի նախագահին պարգևատրել է Երևանի քաղաքապետի ոսկե մեդալով:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
