Երևանում կայացած բարեգործական համերգը կհոգա քաղցկեղով հիվանդ 3,5-ամյա Մանե Հակոբյանի բուժման ծախսերը30 մայիսի 2011 - 21:35 AMT PanARMENIAN.Net - Հայաստանի երիտասարդական հիմնադրամը և Երևանի Վ. Բրյուսովի անվան պետական լեզվաբանական համալսարանի ուսանողական խորհուրդը մայիսի 30-ին կազմակերպեցին Երեխաների պաշտպանության միջազգային օրվան նվիրված բարեգործական համերգ: Համերգից ստացված հասույթն օգտագործվելու է քաղցկեղով հիվանդ 3,5-ամյա Մանե Հակոբյանի բուժման ծախսերը հոգալու համար: Համերգային երեկոյի ընթացքում հանդես եկան հայկական էստրադայի այնպիսի հայտնի կատարողներ, ինչպիսիք են` Անդրեն, Արսեն Գրիգորյանը, Մարին, Միհրան Ծառուկյանը, Աստղիկ Սաֆարյանը, Վարդան Բադալյանը, Անահիտ Շահբազյանը, Սարգիս Ավետիսյանը, Մարիաննա Հովհաննիսյանը, Լանա Խաչատրյանը և այլք: Համերգային ծրագրին մասնակցեցին նաև լեզվաբանական համալսարանի տաղանդավոր և շնորհալի ուսանողները: Փոքրիկ Մանեի մոտ ախտորոշվել է լեյկոզ։ Այժմ նա բուժվում է Յոլյանի անվան արյունաբանական կենտրոնում։ Հայաստանում երեխայի բուժումն անվճար է, սակայն արտասահմանում համապատասխան հետազոտություններ կատարելու խնդիր կա, որն արժե 43 հազար եվրո։ Ծնողներն ունեն հիմնական գումարը, պակասում է միայն 3 միլիոն դրամ, ինչը հայթայթելուն կօգնեն նման հանգանակությունները։ Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը նշեց, որ հիմնադրամը մեծապես կարևորում է այն ծրագրերը, որոնք իրականացվում են երեխաների համար։ «Երեխաները մեր ապագան են, և մենք պետք է անենք ամեն ինչ, որպեսզի մեր մանուկները լինեն առողջ, առույգ, երջանիկ և վայելեն իրենց անհոգ մանկությունը»,- նշեց Կարեն Ավագյանը` ավելացնելով, որ Հայաստանի երիտասարդական հիմնադրամը փոքրիկ Մանեի բուժման համար կհատկացնի այնքան գումար, որքան կկարողանան երեկոյի ընթացքում հանգանակել լեզվաբանական համալսարանի ուսանողները: Վ. Բրյուսովի անվան պետական լեզվաբանական համալսարանի ուսանողական խորհրդի նախագահ Հասմիկ Ափյանը տեղեկացրեց, որ Մանեի հիվանդությունը գտնվում է բուժման երկրորդ փուլում։ Ըստ Հասմիկ Ափյանի, հանգանակած գումարը, ճիշտ է, բուժման ամբողջ ծախսերը չի հոգա, բայց կթեթևացնի երեխայի ծնողների հոգսը, հաղորդում է Հայաստանի երիտասարդական հիմնադրամի հասարակայնության հետ կապերի ծառայությունը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |