 Ճարտարապետ. Երևանը հանուն հյուրանոցի չպետք է զրկվի մետրոյի գեղեցիկ կայարանից   26 օգոստոսի 2011 - 15:17 AMTPanARMENIAN.Net - Հանրապետության հրապարակի մետրոյի կայարանի կառույցը խորհրդային տարիներին արժանացել է պետական մրցանակի և բարձրագույն տեղ է գրավել մոսկովյան համամիութենական ստուգատեսում: Հայաստանի ճարտարապետների միության նախագահ Մկրտիչ Մինասյանը, որը այդ կայարանի ճարտարապետներից մեկն է եղել, այսօր լրագրողների հետ հանդիպմանը նշեց`քաղաքը չպետք է զրկվի այդ գեղեցիկ կառույցից հանուն ևս մեկ հյուրանոցի: “Պահանջվում էր միայն խնամքով վերաբերվել, որոշակի միջոցներ ձեռնարկել, որ այն շարունակեր մնալ հաճելի վայր: Հյուրանոց կառուցելու համար շատ այլ տեղեր կան, թեկուզ ոչ կենտրոնում” ,- նշեց ճարտարապետը: Մկրտիչ Մինասյանը նշեց, որ մի քանի ամիս առաջ Հանրային Խորհրդի նիստում մետրոյի կայարանը քանդելուն կողմ է արտահայտվել ճարտարապետ Լևոն Իգիթյանը: “Նա բարձրաձայնեց, որ շուտով Հանրապետության հրապարակի մետրոյի կայարանը կքանդեն ու կազատվեն դրանից: Եթե հիմա այդքան մեծ ատելություն ունեն նախկինում կառուցված օբյեկտներ հանդեպ, հետագայում այդ երևույթն ավելի մեծ թափ կստանա”,- ցավով նշեց բանախոսը: Նա ասաց, որ հարգում է քաղաքապետին ու Երևանում ներդրումներ կատարել ցանկացողներին, սակայն նրանք ճարտարապետ չեն: Իսկ խորհուրդ տվող ճարտարապետներն էլ պետք է շատ զգուշ լինեն ու լավ հաշվարկներ անեն: Մկրտիչ Մինասյանը թեև դեմ է 4 աստղանի հյուրանոցի կառուցմանը, սակայն առճակատման գնալ չի պատրաստվում. “Ես կմնամ իմ կարծիքին, և հուսով եմ կոլեգաներս էլ ինձ կմիանան, սակայն առճակատման գնալը երբեմն կարող է շատ վտանգավոր լինել”: Երևանի գլխավոր ճարտարապետ Նարեկ Սարգսյանի առաջարկով Հանրապետության հրապարակի մետրոյի կայարանին հարող տարածքում` Նալբանդյան փողոցի անկյունով, նախատեսվում է կառուցել 7 հարկանի 4 աստղանի հյուրանոց:  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
