ՀՀ նախագահը մի շարք զինվորականների շնորհել է մեդալներ և շքանշաններ  27 հունվարի 2012 - 17:09 AMTPanARMENIAN.Net - ՀՀ նախագահ Սերժ Սարգսյանի հրամանագրերով, ՀՀ զինված ուժերի ստեղծման 20-րդ տարեդարձի կապակցությամբ, բանակաշինության գործում մատուցած նշանակալի ծառայությունների, ինչպես նաև հայրենիքի սահմանները պաշտպանելիս ցուցաբերած խիզախության և անձնվիրության համար ՀՀ զինված ուժերի մի խումբ զինծառայողներ և ազատամարտիկներ պարգևատրվել են ՀՀ շքանշաններով և մեդալներով, մի շարք զինվորականների շնորհվել են կոչումներ: ՀՀ պետական բարձր պարգևների մի մասը ՀՀ նախագահ, ՀՀ զինված ուժերի գերագույն գլխավոր հրամանատար Սերժ Սարգսյանն այսօր պարգևատրվածներին հանձնել է Նախագահի նստավայրում, տեղեկացնում են Նախագահի մամլո ծառայությունից։ Հանրապետության ղեկավարը շնորհավորել է պետական պարգևների և կոչումների արժանացածներին, մաղթել նրանց քաջառողջություն, բարի ծառայություն և հայոց բանակի մարտունակության անշեղ բարձրացման ուժ ու կորով: ՀՀ նախագահի հրամանագրերով՝ 2-րդ աստիճանի Մարտական խաչ շքանշանով պարգևատրվել են հրամանատար, գնդապետ Մուրադ Աբրահամյանը և ազատամարտիկ ԱշոտՄինասյանը: Նախագահը մի շարք գնդապետների, հրամանատարների, զորահրամանատարների պարգևատրել է «Արիության մեդալով», Մարտական ծառայության մեդալով, «Վարդան Մամիկոնյան» շքանշանով, «Հայրենիքին մատուցած ծառայությունների համար» 1-ին ևբ 2-րդ աստիճանի մեդալներով։ Նախագահ Սերժ Սարգսյանի հրամանագրով, հիմք ընդունելով Հայաստանի Հանրապետության Սահմանադրության 55-րդ հոդվածի 16-րդ կետը և «Զինվորական ծառայություն անցնելու մասին» ՀՀ օրենքը, որոշվել է ՀՀ զինված ուժերի գլխավոր շտաբի վարչական ապարատի ղեկավար, գնդապետ Արիս Բրուտյանին շնորհել գեներալ-մայորի զինվորական կոչում, ՀՀ զինված ուժերի մարտական պատրաստության վարչության պետ, գնդապետ Իշխան Մաթևոսյանին շնորհել գեներալ-մայորի զինվորական կոչում, ՀՀ պաշտպանության նախարարության խաղաղապահ ուժերի բրիգադի հրամանատար, գնդապետ Արթուր Սիմոնյանին շնորհել գեներալ-մայորի զինվորական կոչում, ՀՀ զինված ուժերի գլխավոր շտաբի պետի տեղակալ, գեներալ-մայոր Ստեփան Գալստյանին շնորհել գեներալ-լեյտենանտի զինվորական կոչում, ՀՀ պաշտպանության նախարարության 2-րդ բանակային կորպուսի հրամանատար, գնդապետ Հովիկ Օհանյանին շնորհել գեներալ-մայորի զինվորական կոչում:   14 27.01.12 - ՀՀ նախագահի նստավայրում ՀՀ բանակի 20-ամյակի կապակցությամբ տեղի ունեցավ պարգևատրման արարողություն                  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
