Oրհան Փամուկը հույս է հայտնել, որ Թուրքիան որքան հնարավոր շուտ կճանաչի Հայոց ցեղասպանությունը

2 հունիսի 2006 - 16:44 AMT

PanARMENIAN.Net - «Պետք է ազատ խոսել այն մասին, ինչ տեղի է ունեցել հայերի հետ Օսմանյան կայսրությունում», - հինշաբթի օրը Մոսկվայում հայտարարել է թուրք հայտնի գրող Օրհան Փամուկը` ավելացնելով. - «Սա, առաջին հերթին, Թուրքիայի ներքին խնդիրն է, խոսքի ազատության, ժողովրդավարության խնդիր եւ վերջապես` նոր միջազգային քաղաքականության խնդիր»: Պատասխանելով հարցին, թե, իր կարծիքով, Թուրքիան ե՞րբ կճանաչի Հայոց ցեղասպանությունը, Օրհան Փամուկը հույս է հայտնել, որ դա տեղի կունենա հնարավորինս շուտ եւ թուրք հասարակությունը կսկսի ազատ խոսել այդ խնդրի մասին: Նշենք, որ մամլո ասուլիսի ժամանակ Փամուկը չի օգտագործել «ցեղասպանություն» բառը, հայտնում է «Աատություն» ռադիոկայանը:

Հիշեցնենք, որ անցյալ տարի Օրհան Փամուկի նկատմամբ դատական գործ էր սկսվել, որի պատճառ էր դարձել շվեյցարական հրատարկություններից մեկին տրված Փամուկի հարցազրույցը, որում նա հայտնել էր, որ Թուրքիայում սպանվել են երեք հարյուր հազար քուրդեր եւ մեկ միլիոն հայեր. այդ բառերը տեղական իշխանությունների կողմից ընդունվել էին որպես վիրավորանք թուքրական իշխանության նկատմամբ: 2006 թվականի սկզբում գործընթացը ընդհատվեց: