Ռուսաստանի ազգային համայնքները պետք է մտածեն անվտանգության մասին 5 հունիսի 2006 - 20:39 AMT PanARMENIAN.Net - Այլատյացության աճի պատճառով Ռուսաստանի ազգային համայնքները պետք է մտահոգվեն իրենց ներկայացուցիչների անվտանգության մասին: Ռուսաստանում ապրող էթնիկ հայերն սկսում են իրենց վրա զգալ կենցաղային ազգայնամոլության ազդեցությունը: Այդ մասին հայտարարել է մոսկվացի պատմաբան, ազգաբանության մասնագետ, պրոֆեսոր Սերգեյ Հարությունովը: Նրա խոսքերով, պատմականորեն հայերը Ռուսաստանում լուրջ խնդիրներ չեն ունեցել: «Ընդհանուր առմամբ հայերն ուղղափառ են, չնայած դա ուղղափառության յուհատուկ մի ճյուղ է: Նրանք հասկանում էին (եւ' ռուսները, եւ' հայերը), որ Օսմանյան Թուրքիան սպառնալիք է հանդիսանում նրանց գոյության համար: Այժմ հայերն սկսում են իրենց վրա զգալ կենցաղային ազգայնամոլության ազդեցությունը: Առաջ դա չի եղել»,- նշել է նա:Պրոֆեսոր Հարությունովը գտնում է, որ տնտեսական հանգամանքների բերումով Հայաստանում մեծ արտագաղթ է սկսվել դեպի Ռուսաստան: «Ռուսաստանի բազմաթիվ քաղաքներում հայկական փոքր համայնքներ են ձեւավորվում: Սակայն այդպիսի համայքներ կան ամենուրեք: Այդ համայնքների վերաբերյալ բավական հետաքրքիր ուսումնասիրություններ կան մասնագետ սոցոլոգների ու ազգաբանների կողմից: Որպես կանոն, թշնամանք չի առաջանում: Սակայն երբեմն լինում է, քանի որ թե' հայերի, թե' ռուսների մոտ այլ վարվելաձեւ է»,- ընդգծել է նա: Միեւնույն ժամանակ, նա ասեց, որ հայկական համայնքը դժվար թե ինքնապաշտպանության միջոցների դիմի եւ այլն: «Ծիծաղելի կլիներ այդպես մտածել: Այն մարդիկ, ովքեր գոչում են «Փա'ռք Ռուսաստանին» կամ դանակ են կիրառում լրիվ անպաշտպան, անմեղ հայ տղայի դեմ, վիրավորված են ճակատագրի կողմից: Նրանք անհաջողակներ են: Դրանք թերարժեքության բարդույթ ունեցող, հոգեկան հիվանդ մարդիկ են»,- ասել է Հարությունովը, հայտնում է «Ազատություն» ռադիոկայանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |