Ցեղասպանության ժխտման համար դատապարտված Դողու Փերինչեքը բողոքարկել է դատարանի որոշումը13 մարտի 2007 - 17:40 AMT PanARMENIAN.Net - Թուրքական աշխատանքային կուսակցության առաջնորդ Դողու Փերինչեքը, որին դատապարտել են Հայոց ցեղասպանության ժխտման համար, բողոքարկել է Շվեյցարիայի Վո կանտոնի դատարանի որոշումը: Փաստաբան Լորան Մորեյնը հայտարարել է, որ Փերինչեքը բողոքարկել է Շվեյցարիայի Վո կանտոնի դատարանի որոշումը, հաղորդում է AP գործակալությունը: Հիշեցնենք, որ լինելով Շվեյցարիայում 2005 թվականին, Փերինչեքը երկու անգամ հայտարարել է, թե Հայոց ցեղասպանությունը «միջազգային սուտ է»: Ինչպես դատավարության ժամանակ ասել է դատավոր Պյեր Անրի Վինզապը, այդ արտահայտությունները «կրել են բացահայտ ռասիստական եւ ազգայնական բնույթ եւ մեղադրյալի գործողություններում չկան մեղմացուցիչ հանգամանքներ»: Պատասխանող կողմին դատավորը բնութագրել էր որպես «մեծամիտ սադրիչ»: Դատավորը նշել է, որ թեեւ Հայոց ցեղասպանությունն ընդգրկված չէ Միջազգային դատարանի կողմից նման հանցագործությունների պաշտոնական ցուցակում, այն «պատմական փաստ է, ճանաչված շվեյցարական հանրության կողմից, եւ Փերինչեքի հայտարարությունները սադրիչ բնույթ են կրել: Լոզանի դատարանը դատապարտել է Փերինչեքին 3 հազար ֆրանկ (2,4 հազար դոլար) տուգանքի եւ 1 հազար ֆրանկ խորհրդանշական տուգանքի ի օգւոտ «Շվեյցարիա-Հայաստան» ասոցիացիայի, որը հանդես էր գալիս որպես քաղաքացիական հայցվոր: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |