Անկարան օգտագործում է քրդերին եւ պատերազմ սկսելու սպառնալիքը տարածաշրջանում իր դիրքերն ամրապնդելու համար 1 նոյեմբերի 2007 - 14:47 AMT PanARMENIAN.Net - «Ներկայումս իրավիճակը տարածաշրջանում չափազանց բարդ է եւ լարված: Այստեղ կարելի է առանձնացնել երեք գործոն. Իրաքի եւ Թուրքիայի դիմակայությունը քրդական հարցում, Իրանի միջուկային խնդիրը եւ Թուրքիայի դիրքերի ամրապնդումը տարածաշրջանում: Այս ամենը չի կարող չմտահոգել Հայաստանին»,-Երեւանում կայացած մամլո ասուլիսի ժամանակ հայտարարել է Հայաստանի ԳԱԱ արեւելագիտության ինստիտուտի տնօրեն, դոկտոր Ռուբեն Սաֆրաստյանը: Նրա խոսքերով, Մերձավոր Արեւելքի բոլոր երկրներում կան հայկական համայնքներ եւ ՀՀ ԱԳՆ-ն պետք է շատ լուրջ եւ ուշադիր հետեւի իրավիճակի զարգացմանը: Արեւելագիտության ինստիտուտի տնօրենը նշել է, որ եթե Թուրքիան իրոք լայնածավալ գործողություն սկսի Հյուսիսային Իրաքում, դա կնշանակի ագրեսիա հարեւան պետության դեմ, որն անխուսափելիորեն կհանգեցնի լարվածության նոր շրջանի: «Այդ քայլից հետո կտրուկ կակտիվանա «քրդական գործոնը»: Քրդական աշխատավորական կուսակցությունը` ՔԱԿ-ը չափազանց վտանգավոր է Անկարայի համար: 2007 թվականի հուլիսին խորհրդարանական ընտրությունների ժամանակ իշխող Արդարության ու զարգացման կուսակցությունը` ԱԶԿ-ն օգտագործեց քրդերին իր հաղթանակի համար եւ թուրքկան խորհրդարանի պատգամավորների 1/3 էթնիկ քրդեր են: Եթե իրավիճակը սրվի, ապա ԱԶԿ-ն կկորցնի մանդատների մի մասը»,-ընդգծել է Սաֆրաստյանը: Նա նաեւ ասել է, որ պատերազմը կարող է լուրջ վնաս հասցնել հարավ-արեւմտյան Թուրքիայի տնտեսությանը: «Անցյալ տարվա տվյալներով ապրանքաշրջանառությունը Հյուսիսային Իրաքի եւ Թուրքիայի միջեւ կազմել է 2,5-3 մլրդ դոլար, բիզնեսում զբացված են 200 հազար հոգի: Պատերազմը կսրի սոցիալական հարցերը բուն Թուրքիայում»,-ասել է թրքագետը: Միեւնույն ժամանակ, նա ընդգծել է, որ այժմ Թուրքիայում ուժեղ է հակաքրդական քարոզչությունը: «Անկարան օգտագործում է քրդերին եւ պատերազմ սկսելու սպառնալիքը տարածաշրջանում իր դիրքերն ամրապնդելու համար»,-ասել է Սաֆրաստյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |