Մինչեւ դեկտեմբերի մեկը Ռուսաստանը ամբողջությամբ կհանի զորքերը Վրաստանից

PanARMENIAN.Net - Մինչեւ դեկտեմբերի մեկը Վրաստանից ռուսական զորքերի դուրս հանումը կավարտվի: Նոյեմբերի 15-ին Բաթումում տեղակայված 12-րդ ռազմակայանից դուրս է գալու վերջին էշելոնը դեպի Հայաստան` 102-րդ ռազմակայան: Անդրկովկասում ռուսական զորքերի խմբի ոչ մի զինվոր, նյութական միջոցների ոչ մի գրամ չի մնա Վրաստանի տարածքում մինչ այս տարեվերջ: Այդ մասին հայտնել է Հյուսիս-Կովկասյան ռազմական շրջանի հրամանատար Ալեքսանդր Բարանովը: Նրա խոսքերով, ապա վեց ռազմական օբյեկտ փոխանցվելու է Վրաստանին: Խոսելով Վրաստանի վերջին իրադարձությունների մասին` հրամանատարը նշել է, որ «ոչ մի հատուկ միջոցառում այդ կապակցությամբ հրամանատարությունը չի նախատեսում», հայտնում է Ռոսբալտը: