Եվրոխորհրդարանն անհանգստացած է Ադրբեջանի նախագահական ընտրություններում մրցակցության բացակայությամբ17 հոկտեմբերի 2008 - 17:32 AMT PanARMENIAN.Net - Ադրբեջանի նախագահի բոլոր յոթ թեկնածուները մասնակցել են քվեարկությանը, որն անվիճելի էր: Բայց չկար նախընտրական պայքար, եւ հիմնական ընդդիմական կուսակցությունները բոյկոտում էին ընտրությունները` վկայակոչելով լուրջ խոտանները հավասար պայմանների համար: Այդ մասին ասվում է Ադրբեջանի նախագահական ընտրություններին հետեւելու Եվրոխորհրդարանի առաքելության եզրակացության մեջ: «Գործող նախագահ Իլհամ Ալիեւը հավաքել է ընտրողների ձայների ավելի քան 80%-ը քվեարկության ներկայացածների 75%-ի դեպքում: Ընտրությունների օրվա ընթացքում Եվրոխորհրդարանի պատվիրակությունը վկա էր Ադրբեջանում միջազգային չափանիշների եւ վերցրած պատասխանատվության ուղղությամբ առաջընթացին, չնայած խախտումների թվին: Ընտրություններից հետո Եվրոխորհրդարանի, ԵԱՀԿ ժողովրդավարության եւ մարդու իրավունքների Բյուրոյի (ԵԱՀԿ/ԺԵւՄԻԲ) եւ Եվրոպայի Խորհրդի Խորհրդարանական Համաժողովի (ԵԽԽՀ) կողմից հրապարակվել է ընտրությունների նախնական արդյունքի համատեղ հայտարարությունը: «Մեր դիտորդությունների համաձայն Ադրբեջանի նախագահական ընտրությունները լավ էին նախապատրաստված եւ հանգիստ մթնոլորտում անցան: Բայց մենք ցավում ենք մրցակցության բացակայության համար, որն արտահայտվեց ընդդիմական կուսակցությունների բոյկոտում, ինչը հանգեցրեց իսկական նախընտրական քարոզարշավի բացակայության: Անկասկած, Ադրբեջանի մասնակցությունը Եվրոպայի հարեւանության քաղաքականությանը զգալիորեն նպաստում է դեպի միջազգային չափանիշները շարժվելու, լիարժեք ժողովրդավարացման հետ կապված պարտականությունների եւ օրենքի գերակայության գործընթացի առաջխաղացմանը»,- Բաքվում տեղի ունեցած մամլո ասուլիսին ասել է Առաքելության ղեկավար Մարի-Անն Իսլեր Բեգինը: Եվրոխորհրդարանի` Մարի-Անն Իսլեր Բեգինի (Ֆրանսիա) ղեկավարած Առաքելության մեջ մտնում էին նաեւ Հարավային Կովկասի հարցով Եվրոպառլամենտի համատեղ կոմիտեի համանախագահ Արպադ Դուկա-Զոլուոմին (Սլովակիա), Ալոիզ Պետերլեն (Սլովենիա), Եվգենի Կիրիլովը (Բուլղարիա), Ռոբերտ Էվանսը (Մեծ Բրիտանիա) եւ Ադամ Բիելանը (Լեհաստան): Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Կիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն Իջևանում ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է Կառավարության շենքի մոտ ցույց է․ 3 բերման ենթարկված կա Նրանք բերման են ենթարկվել ոստիկանի օրինական պահանջը չկատարելու համար Փաշինյանը՝ սահմանազատման մասին. Տեղի ունեցածը համարում եմ մեծ հաջողություն Նա նաև կարևորել է, որ սահմանազատումն արվել է 1976 թվականի քարտեզներով |