Անկարայի հայտարարությունները Կարսի պայմանագրի մասին կարող են պառակտել հայ հանրությունը30 ապրիլի 2009 - 15:09 AMT PanARMENIAN.Net - «Իրավական տեսակետից Կարսի պայմանագիրը շատ խոցելի է եւ կոպտորեն խախտվել է Թուրքիայի կողմից»,-Երեւանում կայացած մամլո ասուլիսում հայտարարել է Երեւանի Հայոց ցեղասպանության թանգարան-ինստիտուտի տնօրեն, պատմաբան Հայկ Դեմոյանը: Ըստ նրա, Կարսի պայմանագիրը կնքել են քեմալական Թուրքիան մի կողմից, եւ Անդրկովկասի խորհրդային հանրապետությունները մյուս կողմից: «Ըստ պայմանագրի, Թուրքիան ճանաչում էր Նախիջեւանի մարզը, որը հետո հռչակվեց Ադրբեջանի հովանավորության տակ գտնվող ինքնավարություն»,-հիշեցրել է Դեմոյանը: Նրա խոսքերով, Հայաստանն ու Թուրքիան հարաբերությունների կարգավորման դեպքում պետք է նոր միջպետական պայմանագիր կնքեն: «Եվ Կարսի պայմանագրի մասին խոսք լինել չի կարող: Նման հայտարարություններն, որ հնչեցնում է թուրքական կողմը, վտանգավոր են եւ միտված են հայ հանրության պառակտմանը»,-ընդգծել է նա: Անդրադառնալով Երեւանի ու Անկարայի միջեւ միջպետական համաձայնագրի ստորագրման հնարավորությանը` Հ.Դեմոյանը նշել է, որ լավ կլիներ, որ փաստաթղթում ընդգծվեր, որ Թուրքիան պատրաստակամ է վերացնել Հայոց ցեղասպանության հետեւանքները: «Համաձայնագրում պետք է ամրագրվեն Թուրքիայի տարածքում հայ մշակութային ժառանգությունը փրկելու եւ նրանց կարգավիճակի որոշման հարցերը: Ըստ Լոզանի պայմանագրի, Թուրքիան պարտավորվել է հարգել երկրի տարածքում բնակվող ազգային փոքրամասնությունների մշակութային եւ կրոնական իրավունքները»,-ասել է հայ պատմաբանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |