Հայ սպայի մարդասպանը հունգարական բանտում զբաղված է գրքերի թարգմանությամբ 9 մարտի 2011 - 21:41 AMT PanARMENIAN.Net - Բաքվում տեղի է ունեցել հունգարական գրողի գրքի շնորհանդեսը, որը թարգմանել է ադրբեջանցի սպա Ռամիլ Սաֆարովը: Հավանաբար, ցմահ բանտարկության դատապարտված Սաֆարովը որոշել է այդ կերպ «անցկացնել» իր ցմահ բանտարկությունը: Գրքի շնորհանդեսի ժամանակ ադրբեջանցի փիլիսոփա Ֆազիլ Աբասովը, առանց ամաչելու, գրքի թարգմանությունն անվանել է «Ադրբեջանի խիզախ որդի Սաֆարովի հերթական վաստակը ադրբեջանական ժողովրդի առջև»: Սաֆարովի «առաջին վաստակը» քնած հայորդու դաժան սպանությունն է: 2006թ. ապրիլի 13-ին Ռամիլ Սաֆարովը դատապարտվեց ցմահ բանտարկության հայ սպա Գուրգեն Մարգարյանի սպանության համար, որին նա դաժանաբար կացնահարեց քնած ժամանակ: Երկուսն էլ Բուդապեշտում էին գտնվում ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին մասնակցելու նպատակով: 2007թ. փետրվարի 22-ին Բուդապեշտի քաղաքային դատարանը, քննելով գործը, ուժի մեջ թողեց դատավճիռը: Ադրբեջանը շարունակում է Սաֆարովին էքստրադիցիայի ենթարկելու որոշման հասնելու անիմաստ փորձերը, որպեսզի հայրենիքում, ազատ արձակելով Սաֆարովին, նրան դարձնեն ադրբեջանական դաժանության ու անսկզբունքայնության կենդանի հուշարձան: Սակայն, ինչպես նախկինում հայտարարել էր 2006թ. դատավարության ժամանակ ՀՀ պաշտպանության նախարարության ներկայացուցիչ Հայկ Դեմոյանը, Սաֆարովը չի կարող էքստրադիցիայի ենթարկվել հայրնիք, չնայած նրան, որ Հունգարիայի ու Ադրբեջանի միջև համաձայնություն կա էքստրադիցիայի մասին: «Եթե Հունգարիան նման քայլի դիմի, նա անպայման պետք է իրազեկի այդ մասին Հայաստանին: Սակայն, հանցագործության ծանրությունն ու մեղմացուցիչ հանգմանքների բացակայությունը անհնար են դարձնում Սաֆարովի էքստրադիցիան»,-ասել է Դեմոյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |