  Ադրբեջանը չի կատարում ԵԱՀԿ առջև ստանձնած իր պարտավորությունները մամուլի ազատության հարցում  29 մարտի 2011 - 12:06 AMTPanARMENIAN.Net - ԶԼՄ-ների ազատության հարցերով ԵԱՀԿ ներկայացուցիչ Դունյա Միյատովիչը դատապարտել է ադրբեջանցի լրագրողի վրա հարձակումը և կոչ արել երկրի կառավարությանն անհապաղ միջոցներ ձեռնարկել լրագրողների նկատմամբ բռնությունը դադարեցնելու համար: «Ադրբեջանի իշխանությունները պետք է նախազգուշական միջոցներ ձեռնարկեն մամուլի նկատմամբ բռնությունը կանխարգելելու համար»,- հաղորդել է Միյատովիչը: «Լրագրողների համար անվտանգության պայմանների և ազատության ապահովումը ԵԱՀԿ առանցքային պարտականությունն է, և, ցավոք սրտի, ես պետք է փաստեմ, որ այսօր Ադրբեջանում չեն կատարում այդ պարտավորությունը»: Մարտի 26-ի գիշերը դիմակներով 6 մարդ Բաքվից ոչ հեռու գտնվող գյուղում առևանգել են Սեյմուր Գազիևին` «Ազադլիգ» անկախ թերթի թղթակցին: Ինչպես հաղորդվում է, նրանք լրագրողի գլխին հագցրել են պարկ, ծեծել և սպառնացել ավելի դաժան հաշվեհարդար տեսնել, եթե նա շարունակի քննադատաբար գրել պետության քաղաքականության մասին: Անցյալում «Ազադլիգ» ադրբեջանական թերթը բազմիցս դարձել է հարձակումների թիրախ: Գազիևը վերջին տարիներին մի քանի անգամ ենթարկվել է սպառնալիքների և ֆիզիկական բռնությունների: «Անկախ ԶԼՄ-ի վրա հերթական հարձակումն անթույլատրելի է, և Ադրբեջանի իշխանությունները պետք է այն հրապարակավ դատապարտեն: Նրանք նաև պետք է առավելագույն ջանքերը գործադրեն լրագրողների վրա հարձակումների պատվիրատուներին և կատարողներին քրեական պատասխանատվության ենթարկելու համար»,- ասել է Միյատովիչը, հաղորդում է ԵԱՀԿ մամլո ծառայությունը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
