Լեհ փորձագետները թերահավատ են «Արևելյան գործընկերության» հաջողության հարցում 3 մայիսի 2011 - 14:43 AMT PanARMENIAN.Net - Լեհական Հասարակական գործերի ինստիտուտի (Instytut Spraw Publicznych, ISP) փորձագետները Եվրոպական Միության «Արևելյան գործընկերություն» ծրագրի մասնակից պետությունների բարդ համագործակցություն են կանխատեսում Euronest Խորհրդարանական վեհաժողովի շրջանակներում: «Առայժմ «Արևելյան գործընկերության» պետությունների մոտեցումը Euronest-ին հույսի առիթ չի տալիս, որ համագործակցությունը դյուրին է լինելու: Նրանք բազմիցս հետաձգել են առաջին հանդիպումը, դժգոհություն հայտնել Եվրոպական խորհրդարանի առաջարկների վերաբերյալ»,- նշել են փորձագետները: Նման դիրքորոշումը, փորձագետների գնահատմամբ, հանգեցրեց նրան, որ եվրոպական կողմը նույնպես կորցրեց այդ նախագծի իրականացման հանդեպ հետաքրքրությունը: Ագնեշկա Լադան, որը եվրոպական ծրագիր է ղեկավարում ISP-ում, նշել է, որ Euronest-ը լուրջ իրավասություններ չի ունենալու, այլ կկարողանա միայն ընդունել խորհրդատվություն տրամադրել ու բանաձևեր ընդունել: Նրա խոսքով, նման ձևաչափը նույնպես չի ուժեղացնում «Արևելյան գործընկերության» մասնակից պետությունների հետաքրքրվածությունն այդ նախագծով: «Euronest-ի առաջին նիստը լակմուսի թուղթ կդառնա` արդյոք արևելյան պատգամավորներն իսկապես ընդհանուր լեզու կգտնեն եվրոպական քաղաքական գործիչների հետ»,- նշել է արևելյան քաղաքականության հարցերի ISP փորձագետ Էլժբետա Կացան: Նա ավելացրել է, որ այդ նախաձեռնության շրջանակներում համագործակցության ակտիվացման հարցում պետք է առաջին հերթին հետաքրքրված լինեն «Արևելյան գործընկերության» պետությունները, հաղորդում է ՈՒՆԻԱՆ-ը: «Արևելյան գործընկերություն» «Արևելյան գործընկերություն» ծրագիրը ներկայացվել է Լեհաստանի ԱԳՆ-ի կողմից Շվեդիայի մասնակցությամբ 2008 թ-ի մայիսի 26-ին Արտաքին հարաբերությունների խորհրդին: 2009 թ-ի մայիսի 7-ին Պրահայում (այն ժամանակ Պրահան նախագահում էր ԵՄ-ում) «Արևելյան համագործակցություն» ծրագրի շրջանակներում տեղի ունեցավ հիմնադիր հանդիպում: Այդ նախագծի գլխավոր նպատակը ԵՄ-ի մերձեցումն է նախկին ԽՍՀՄ երկրների` Հայաստանի, Մոլդովայի, Բելառուսի, Ուկրաինայի, Ադրբեջանի, Վրաստանի հետ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |