// IP Marketing video - START// IP Marketing video - END

Ինգա եւ Անուշ Արշակյանները «Նոր պար» երգով կներկայացնեն Հայաստանը «Եվրատեսիլ 2009»-ին

PanARMENIAN.Net - Փետրվարի 14-ի երեկոյան Կարեն Դեմիրճյանի անվան մարզահամերգային համալիրում տեղի ունեցավ «Եվրատեսիլ 2009»-ի մրցույթի մասնակիցների եզրափակիչ ընտրությունը, որը հեռարձակվում էր ուղիղ եթերով: Ընդհանուր քվեարկության արդյունքներով «Եվրատեսիլ 2009»-ին Հայաստանը կներկայացնեն Ինգա եւ Անուշ Արշակյանները:



Մրցույթի հաղթողների մասնակցությամբ մամլո ասուլիսում «Նոր պար» («Ջան, ջան») երգի ընտրության առնչությամբ Անուշ Արշակյանն ասաց. «Եվրատեսիլ» մրցույթը նման է ֆուրշետի, որտեղ մարդիկ հավաքվում են ուղղակի շփվելու համար, եւ եթե տանել այնտեղ ավանդական փախլավան, ամեն մեկը չի կարողանա այն մարսել, իսկ եթե ներկայացնել պարային համարով համեմված երգ, այն ավելի մատչելի կլինի Եվրոպայի համար»:



Էթնո-փոփ ոճով գրված «Նոր պար» երգի խոսքերի հեղինակներն են Ավետ Բարսեղյանն ու Վարդան Զադոյանը, կոմպոզիտորն է Մարի Հակոբյանը, գործիքավորումը Արա Թորոսյանի:



Եզրափակիչին մասնակցում էին 21 երաժիշտներ` մենակատարներ ու խմբեր, որ հանդես են գալիս փոփ, ռոք եւ ռեփ ոճերով: Քվեարկության արդյունքում երկրորդ տեղը գրավեց «Նոր ալիք 2008» մրցույթի մասնակից Մհերը, երրորդ ու չորրորդ տեղերը գրավեցին ռոք-խմբեր «Բամբիռն» ու «Դորիանսը»:
 Ուշագրավ
2019-ին էլ 20,000 դոլարի դրամաշնորհը կուղղվի հայկական գրչության կենտրոնների ինտերակտիվ քարտեզի ստեղծմանը
BAFTA-ի մրցանակների թվով առաջատար է դարձել Յորգոս Լանտիմոսի «Ֆավորիտուհին» ֆիլմը
Նրանց չորրորդ երեխային լույս աշխարհ կբերի փոխնակ մայրը
Վերջին, 8-րդ եթերաշրջանի գործողությունը կսկսվի Վինթերֆելում