Կաննի փառատոնի սկանդալային ռեժիսորի ֆիլմը կներկայացվի «Ոսկե ծիրանի» երևանյան պրեմիերաների շարքում

PanARMENIAN.Net - «Ոսկե ծիրան» միջազգային կինոփառատոնը այս տարվա երևանյան պրեմիերաների շրջանակներում ներկայացնելու է դանիացի հանրահայտ և պրովոկացիոն ռեժիսորի՝ Լարս Ֆոն Տրիերի «Մելանխոլիա» ֆիլմը:

Կաննի կինոփառատոնի շրջանակներում Ֆոն Տրիերը, իբր կատակով, հայտարարել էր, որ որոշ հարցերում հասկանում է Հիտլերին, իսկ հրեաներին անվանել էր «թութք»:

Ֆիլմը դրական տպավորություն էր թողել կինոփառատոնի ժյուրիի մոտ, սակայն Ֆոն Տրիերը իր հայտարարությամբ դարձավ կինոփառատոնի անցանկալի հյուրը: Այնուամենայնիվ, ֆիլմը մնաց մրցույթում և անգամ արժանացավ մրցանակի: «Մելանխոլիա» ֆիլմում նկարահանվել են հանրահայտ դերասանուհիներ Շառլոտա Գենսբուրը և Կիրստեն Դանստը: Վերջինս գլխավոր հերոսուհուն` Ջաստինին մարմնավորելու համար արժանացել է Կաննի կինոփառատոնի «Կանացի լավագույն դերակատար» մրցանակին:

Ֆոն Տրիերի ֆիլմում դեպքերը զարգանում են աշխարհի կործանման նախօրեին, որտեղ ներկայացված են մարդկային հարաբերությունները և նրա վարքը նշված իրավիճակում:

ՈՍԿԵ ԾԻՐԱՆ 8-րդ երևանյան միջազգային կինոփառատոնը անցկացվելու է հուլիսի 10-17-ը:

62  64-րդ Կաննի կինոփառատոն
 Ուշագրավ
Տիգրան Ավինյանն ու Գրեգորի Դուսեն այցելել են պատմական թաղամաս
Snap-ը պլատինե երգի կարգավիճակ է ստացել նաև մի քանի այլ երկրներում
Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․
Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով
---