 Պինկաս Ցուկերմանի համերգով կեզրափակվի «Երևանյան հեռանկարները»  26 հոկտեմբերի 2011 - 17:07 AMTPanARMENIAN.Net - «Երևանյան հեռանկարներ» միջազգային 12-րդ երաժշտական փառատոնը կավարտվի հռչակավոր ջութակահար Պինկաս Ցուկերմանի ելույթով: Այդ մասին լրագրողներին հայտնեց փառատոնի նախագահ, կոմպոզիտոր Ստեփան Ռոստոմյանը: Բանախոսի կարծիքով տարին հագեցած էր փառատոնի համար և հոկտեմբերի 26-ին գրանդիոզ համերգով է այն ավարտվելու: Իր հերթին մեծ ջութակահարը նշեց, որ անչափ ուրախ է 1,5 տարի հետո վերադառնալ Հայաստան, քանի որ սիրեց այս երկիրը: Ցուկերմանը ելույթ է ունենալու Հայաստանի պետական ֆիլհարմոնիկ նվագախմբի հետ (գեղարվեստական ղեկավար և գլխավոր դիրիժոր Էդուարդ Թոփչյան): Այն հարցին, թե ինչ տպավորություն ունի նվագախմբի մասին, Ցուկերմանը չխոսաց, փոխարենը բութ մատը վերև պարզեց, ցույց տալով գոհունակության նշան: Այսօր մասանգետները ասում են, որ դասական երաժշտության բնագավառում անհատ երաժիտների քանակը պակասում է: Ցուկերմանի կարծիքով կան որոշ երաժիշտներ, ովքեր ջանասիրաբար աշխատում են, տաղանդավոր են, և վստահ է, որ այդ ավանդույթը կշարունակվի: Նա հայ երաժիշտներից հիացած է թավջութակահար Նարեկ Հախնազարյանով: Ցուկերմանի կարծիքով Հախնազարյանը ֆանտաստիկ թավջութակահար է և նրանք միասին Կանադայում համերգ կտան: Մաեստրո Թոփչյանն էլ իր հերթին ասաց, որ չնայած իր տարքիքին, Ցուկերմանին չի կարելի անվանել «Ծերացող լեգենդ», որովհետև նա ունի նույն ուժը: Ցուկերմանը ծնվել է Թել Ավիվում, ուսանել Ջուլիարդի դպրոցում՝ Իվան Գալամյանի դասարանում։ Նա վարում է կատարողական վարպետության ծրագիր Մանհեթենի երաժշտանոցում, ղեկավարում է մի շարք հեղինակավոր նվագախմբեր, իսկ 2009 թ֊.՝ նաև Լոնդոնի թագավորական ֆիլհարմոնիկ նվագախմբի գլխավոր հրավիրյալ դիրիժորն է։ Իբրև կամերային երաժիշտ նա հանդես է եկել Դանիել Բարենբոյմի, Վլադիմիր Աշկենազիի, Իտցաք Պերլմանի, Օրիոն և Տոկիո լարային քառյակների, Ռալֆ Կիրշբաումի, Եֆիմ Բրոնֆմանի, Ժակլին դյու Պրեի և կատարողական արվեստի այլ վարպետների հետ։ Պինկաս Ցուկերմանի կատարումները հնչում են հոլիվուդյան բազմաթիվ ֆիլմերում։ Վերջերս էլ նա վարել է Grammy մրցանակաբաշխությունը: Մեծ երաժիշտը Հայաստանում ելույթ է ունեցել նաև անցած տարի` նույն փառատոնի շրջանակում:  Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
