Բանակցությունների շարունակության եւ կարգավորման մեջ հաջողության հասնելու միակ խոչընդոտը ժողովուրդների միջեւ վստահության բացակայությունն է: Այդ մասին խոսում են բոլորը, այդ թվում, ԵՄ-ն, ԵԱՀԿ-ն, Լեռնային Ղարաբաղի հակամարտության կարգավորման հարցով ԵԱՀԿ ՄԽ համանախագահ-երկրները: Եւ հենց այդ հարցում ողջ աշխարհն անզոր է: Պատճառը ոչ թե հայկական կողմի ցանկության բացակայությունն է երկխոսության գնալու հարցում, ինչպես դա սիրում են ներկայացնել Ադրբեջանում, այլ Իլհամ Ալիեւի կողմից հնչեցրած Հայաստանի ամբողջական մեկուսացման վերաբերյալ գաղափարն է: